गडचिरोली:शैक्षणिक, सामाजिक, धार्मिक व शेतीच्या विविध समस्या सोडविण्यासाठी राजकीय भेदभाव न करता एकत्रित येण्याची गरज असल्याचे प्रतिपादन अहेरी विधानसभा क्षेत्राचे आमदार धर्मराव बाबा आत्राम यांनी केले.
ते रविवारी 12 मार्च रोजी अहेरी येथील ग्राउंड येथे जय पेरसापेन बहुउद्देशीय आदिवासी गोंड समाज मंडळ तथा वीर बाबुराव शेडमाके स्मारक समिती व ऑल इंडिया आदिवासी एम्प्लॉईज फेडरेशन यांच्या संयुक्त विद्यमाने आयोजित राष्ट्रीय शहीद वीर बाबुराव शेडमाके जयंती महोत्सव, सल्ला गांगरा शक्तिपीठ स्थापना, कोयापुनेम प्रबोधन व आदिवासी बांधवांचे सामूहिक विवाह सोहळ्याप्रसंगी अध्यक्ष स्थानावरून बोलत होते. यावेळी उद्घाटनस्थानी माजी राज्यमंत्री राजे अम्ब्रीशराव आत्राम होते, तर प्रमुख पाहुणे म्हणून नगराध्यक्ष रोजा करपेत, माझी पंचायत समिती सदस्य हर्षवर्धन बाबा आत्राम, रामेश्वर बाबा आत्राम, सामाजिक कार्यकर्ते बबलू हकीम राष्ट्रवादी महिला काँग्रेसचे विभागीय तथा जिल्हाध्यक्ष शाईन हकीम, अहेरीचे पोलीस निरीक्षक किशोर मानभाव, कोया पुणे प्रचारक राहुल कन्नाके, प्राध्यापक रमेश हलामी, प्रकाश गुडेल्लीवार आदी मान्यवर उपस्थित होते.
पुढे बोलताना समाज जोपर्यंत संघटित होणार नाही तोपर्यंत विकास शक्य नसून थोर महात्म्यांच्या आणि लोकनेत्यांच्या सन्मानासाठी एकत्रितपणे लढा देण्याची आवश्यकता असल्याचे मत आमदार धर्मराव बाबा आत्राम यांनी मांडले. एवढेच नव्हे तर,आपण वेगवेगळ्या प्रकारचे राजकीय पक्षात कार्य करीत असलो तरी समाज हितासाठी पक्षपात बाजूला सारून आदिवासी समाजाच्या सर्वांगीण विकासासाठी एक संघटित होणे काळाची गरज असल्याचे ठाम मत त्यांनी मांडले.
उद्घाटनीय स्थानावरून बोलताना राजे
अम्ब्रीशराव आत्राम यांनी कोयापुनेम संस्कृती ही प्राचीन व सभ्य संस्कृती असून इतर संस्कृती पेक्षा भिन्न आहे.त्यामुळे कोयापूनेम संस्कृती टिकविणे काळाची गरज असल्याचे मत त्यांनी मांडले.याच वेळी त्यांनी इंग्रजांच्या जुलमी राजवटी विरोधात गोंडवानातून बुलंद आवाज करणारे स्वातंत्र्य सेनानी वीर बाबुराव शेडमाके यांच्या जीवनावर प्रकाश टाकले.
तत्पूर्वी सप्तरंगी ध्वजाचे ध्वजारोहण माजी राज्यमंत्री राजे अम्ब्रीशराव आत्राम यांच्या हस्ते करण्यात आले त्यानंतर आ.धर्मराव बाबा आत्राम व राजे अम्ब्रीशराव आत्राम यांच्याहस्ते सल्ला गांगरा शक्तीपीठ ला माल्यार्पण करून सामूहिक आदिवासी गीतांनी प्रार्थना करण्यात आले. यावेळी तब्बल 62 आदिवासी जोडते यांचे आदिवासी संस्कृती व परंपरेनुसार राजपरिवार व हजारो संख्येच्या साक्षीने शाही ताटात सामूहिक विवाह संपन्न झाले. कार्यक्रमाचे प्रास्ताविक प्रदीप साडेमिक यांनी तर सूत्रसंचालन नारायण कुमरे यांनी केले तर आदित्य सडमेक यांनी उपस्थित मान्यवरांचे आभार मानले.
काका-पुतणे एकाच मंचावर
वीर बाबुराव शेडमाके जयंती महोत्सवानिमित्त आदिवासी सामुहिक विवाह सोहळ्यात काका आमदार धर्मराव बाबा आत्राम व पुतणे माजी राज्यमंत्री राजे अम्ब्रीशराव आत्राम बरीच वर्षानंतर एकाच मंचावर आल्याने स्थानिक अहेरीकरांची उत्सुकता वाढली होती. उपस्थित नागरिकांनी मोठ्या उत्साहात व आनंदात मोबाईल मध्ये छायाचित्र टिपत होते.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
