आलापल्ली:- सध्याचा काळामध्ये स्पर्धेत अनन्यसाधारण महत्व असून स्पर्धेतूनच ग्रामीण खेळाडूंना चांगला वाव मिळतो व जिल्हा,राज्यस्तरीय तसेच राष्ट्रीय पातळीवर ग्रामीण खेळाडू आपल्या खेळाचा प्रदर्शन करून राष्ट्रीय स्तरावर चमकत आहेत. कुठल्याही स्पर्धेत जिंकण्याचा जिद्द राखून आपल्या खेळाचा प्रामाणिक पणे प्रदर्शन केल्यास यश निश्चितच मिळेल असे मत माजी जि प अध्यक्ष तथा सिनेट सदस्य भाग्यश्री आत्राम यांनी व्यक्त केले. नागेपल्ली ग्रामपंचायत अंतर्गत येणाऱ्या येन्कापल्ली येथे इलेव्हन क्रिकेट क्लब द्वारा आयोजित रात्रकालीन भव्य खुले टेनिस बॉल 30 यार्ड क्रिकेट स्पर्धेचे उद्घाटन त्यांच्या हस्ते करण्यात आला यावेळी ते बोलत होते.
याप्रसंगी कार्यक्रमाचे अध्यक्ष म्हणून सामाजिक कार्यकर्ते बबलू हकीम तर प्रमुख पाहुणे म्हणून राष्ट्रवादी महिला काँग्रेसच्या नागपूर विभागीय अध्यक्ष तथा गडचिरोली जिल्हाध्यक्ष शाईन हकीम,आलापल्लीचे सरपंच शंकर मेश्राम, राष्ट्रवादी काँग्रेस पक्षाचे अहेरी विधानसभा अध्यक्ष लक्ष्मण येर्रावार,नागेपल्ली चे ग्रामपंचायत सदस्य मलरेड्डी येमनूरवार,येन्कापल्ली येथील पोलीस पाटील,ग्रामपंचायत सदस्य आणि ग्रामस्थ मोठ्या संख्येने उपस्थित होते.
क्रिकेट स्पर्धेच्या उद्घाटन प्रसंगी मान्यवर गावात प्रवेश करताच गावकऱ्यांतर्फे जल्लोषात स्वागत करण्यात आले. त्यानंतर मान्यवरांच्या महामानवांचा प्रतिमांना माल्यार्पण करून मार्गदर्शन करण्यात आले.यावेळी सरपंच शंकर मेश्राम आणि सामाजिक कार्यकर्ते बबलू हकीम यांनी मोलाचे मार्गदर्शन केले.तसेच एका छोट्याश्या गावात रात्रकालीन क्रिकेट स्पर्धेचे खूप छान आयोजन केल्याने आयोजकांचे मान्यवरांनी प्रशंसा केली.
स्पर्धेचे उदघाटन होताच मान्यवरांनी क्रिकेटचा आनंद घेत स्पिचवर जोरदार फटकेबाजी केली.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
