गडचिरोली:मराठी भाषेत व्यवसायाच्या अनेक संधी उपलब्ध असून त्या दृष्टीने विद्यार्थ्यांनी तयारी करावी व मराठी भाषेचे सौंदर्य जाणून संवाद कौशल्य विकसित करावे असे प्रतिपादन प्रा.डॉ. अनिरुद्ध गचके यांनी केले. मराठी भाषा पंधरवडा उपक्रमाच्या समारोपीय कार्यक्रमात ते अध्यक्ष स्थानावरून बोलत होते.
विशेष अतिथी म्हणून राष्ट्रीय सेवा योजना संचालक तथा मराठी विभाग समन्वयक डॉ.श्याम खंडारे ,प्रमुख अतिथी म्हणून इंग्रजी विभागाचे प्रा. डॉ. प्रमोद जावरे व मराठी विभागाचे प्रा. पुडलिक शेंडे मंचावर उपस्थित होते. मराठी भाषा पंधरवड्या निमित्त मराठी विभागांतर्गत १४ते२८जानेवारी दरम्यान विविध उपक्रमांचे आयोजन करण्यात आले. सर्व विद्यार्थी त्यामध्ये उत्फूर्तपणे सहभागी झाले होते.
विद्यापीठातील मराठी भाषा अभ्यास मंडळाचे अध्यक्ष या नात्याने समारोपीय कार्यक्रमात डाकराम कोहपरे या विद्यार्थ्यांने आपले मनोगत व्यक्त केले.मराठी भाषा पंधरवडा या उपक्रमाचे औचित्य साधून पदव्युत्तर शैक्षणिक मराठी विभागाच्या वतीने मराठी साहित्याच्या विद्यार्थ्यांसाठी कथाकथन व काव्यवाचन कार्यशाळेचे आयोजन करण्यात आले. या कार्यशाळेमध्ये डॉ. सविता गोविंदवार, सहाय्यक प्रा. मराठी विभाग यांनी विद्यार्थ्यांना कथाकथन कौशल्याचे धडे दिले. त्याचप्रमाणे प्रा. शुभम बुटले यांनी काव्य वाचनाचे प्रशिक्षण दिले. या उपक्रमांतर्गत विद्याथ्यांनी पुस्तकाची निवड करून पुस्तक परीक्षण केले.
या समारोपीय कार्यक्रमाचे सूत्रसंचालन डॉ. सविता गोविंदवार यांनी तर आभार प्रा. प्रियंका बघमारे यांनी केले. कार्यक्रमाला पदवीधर शैक्षणिक विभागातील प्राध्यापक व विद्यार्थी उपस्थित होते.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
