वरोरा :- क्रीडा व युवक सेवा संचालनालय महाराष्ट्र राज्य पुणे यांच्यामार्फत दि.11 ते 13 जानेवारी 2023 दरम्यान सांगली येथे झालेल्या शालेय राज्यस्तरीय मल्लखांब स्पर्धेमध्ये आनंद निकेतन विद्यालयाच्या गायत्री कावरे व आर्या भोयर यांनी नागपूर विभागाचे प्रतिनिधित्व करत सांघिक कांस्य पदक पटकाविले. विशेष म्हणजे मल्लखांब या खेळात नागपूर विभागाला प्रथमतःच पदक प्राप्त झालेले आहे. त्यांच्या या विजयाचे सर्वत्र कौतुक केले जात आहे.
आनंद निकेतन महाविद्यालयाचे प्राचार्य डॉ.मृणाल काळे, उपप्राचार्य प्रा.राधा सवाने,शारीरिक शिक्षण व क्रीडा विभाग प्रमुख प्रा.तानाजी बायस्कर व सर्व शिक्षक व शिक्षकेतर कर्मचाऱ्यांनी त्यांचे अभिनंदन केले व पुढील वाटचाली करिता शुभेच्छा दिल्या.
