सांघिक वृत्ती जोपासत खेळा, विजयासाठी सर्वांना शुभेच्छा! – जिल्हाध्यक्ष देवराव भोंगळे.

वरोरा :- वरोरा स्पोर्ट्स फाउंडेशन व लोकशिक्षण संस्था वरोडा यांच्या संयुक्त विद्यमाने वरोरा येथील स्व. मनोहरभाऊ पाटील क्रिडा परिसरात आयोजित (WSF चषक) महाराष्ट्र राज्य ज्युनियर गट आंतरविभागीय व्हाॅलीबॉल स्पर्धेच्या उद्घाटनीय कार्यक्रमास भाजपा जिल्हाध्यक्ष देवराव भोंगळे यांची उपस्थित होती.

याप्रसंगी नागपूर विभाग विरुद्ध मुंबई विभाग असा मुलींचा उद्घाटनीय सामना पार पडला. या सामन्याचा त्यांनी प्रमुख पाहुण्यांसह आनंद घेतला. महाराष्ट्राच्या कानाकोपऱ्यातून मोठ्या संख्येने उत्साही स्पर्धक येथे आले आहेत. सर्वांनी सांघिक वृत्ती जोपासत खेळ खेळावा. सर्व स्पर्धकांना येथील विजयासह यापुढे राष्ट्रीय पातळीवर होणार्‍या स्पर्धेसाठी माझ्या शुभेच्छा! असे प्रतिपादन जिल्हाध्यक्ष भोंगळे यांनी याप्रसंगी केले.

यावेळी माजी नगराध्यक्ष अहेतेश्याम अली, श्रीकांत पाटिल, माजी नगरसेविका सुनिता काकडे, गजाजन जिवतोडे, अनिल साखरीया, दिलीप घोरपडे, विनोद चौधरी, प्रविण सोदारी, बबलू सातपुते, अमित चवले , संदिप ऊईके यांचेसह मोठ्या संख्येने खेळाडू उपस्थित होत्या.