आनंद निकेतन महाविद्यालयाच्या खेळाडूंना राज्यस्तरीय नेटबॉल स्पर्धेत रोप्य पदक

वरोरा : 17 ते 19 सप्टेंबर दरम्यान संगमनेर, अहमदनगर येथे झालेल्या वरिष्ठ गट राज्यस्तरीय नेटबॉल स्पर्धेत चंद्रपूर जिल्ह्याच्या संघाने द्वितीय क्रमांक पटकावला. या संघामध्ये आनंद निकेतन महाविद्यालयाच्या अक्षीता तिखट, शितल पाचभाई आणि अन्नपूर्णा वरभे या तीन खेळाडूंचा सहभाग होता. या सर्व खेळाडूंनी चंद्रपूर जिल्ह्याच्या संघामध्ये खेळत आपल्या खेळाचे उत्कृष्ट प्रदर्शन केले आणि रोप्या पदक पटकाविले.या सर्व खेळाडूंचे संपूर्ण क्रीडा क्षेत्रात कौतुक केले जात आहे. या तिन्ही खेळाडूंचे प्राचार्य डॉ. मृणाल काळे, उपप्राचार्य प्रा. राधा सवाणे,शारीरिक शिक्षण व क्रीडा विभाग प्रमुख प्रा.तानाजी बायस्कर तसेच सर्व शिक्षक व शिक्षकेत्तर कर्मचाऱ्यांनी कौतुक केले आणि पुढील वाटचाली करिता शुभेच्छा दिल्या.