ब्रह्मपुरी तालुक्यातील तोरगाव येथील युवकाची गळफास लावून आत्महत्या

चंद्रपूर :– ब्रह्मपुरी तालुक्यातील तोरगाव बुजुक येथील पंचवीस वर्षीय युवकाने झाडाला गळफास लावून जीवन यात्रा संपविल्याची घटना २४ सप्टेंबर शुक्रवारला सकाळच्या सुमारास उघडकीस आली.
संदीप रामटेके असे युवकाचे नाव आहे. तोरगाव गावाजवळील चीचबोर्डीच्या पारीवर असलेल्या आंब्याच्या झाडाला संदीप रामटेके हा युवक गळफास लागलेल्या अवस्थेत नागरिकांना दिसून आला या घटनेची माहिती गावात पसरतात नागरिकांनी घटनास्थळाकडे धाव घेतली. पोलिसांनी घटनेची नोंद घेत मृतदेह ताब्यात घेऊन शव विच्छेदनाकरिता ग्रामीण रुग्णालय ब्रह्मपुरी येथे पाठविले. संदीपच्या मृत्यूचे कारण अद्यापही गुलदस्त्यात आहे पुढील तपास ब्रह्मपुरीचे पोलीस निरीक्षक रोशन यादव यांच्या मार्गदर्शनाखाली सुरू आहे .