कोरची
जिल्हा परिषद उच्च प्राथमिक केंद्र शाळा कोरची येथे दिनांक 21 एप्रिल रोज गुरुवार ला शाळा पुर्व तयारी अभियान मेळावा संपन्न झाला. या कार्यक्रमाचे अध्यक्ष आशिष अग्रवाल हे होते तर उद्घाटक श्रीदेवी सहारे ह्या होत्या. प्रमुख पाहुणे म्हणुन गिरवर देवांगन,सुर्यकांत भैसारे,राम सरकार,कोमल बांबोळे,सुनंदा मुंगमोडे उपस्थित होते.
कोरची पंचायत समिती गटशिक्षणाधिकारी यशवंत टेंभूर्णे यांनी मेळाव्याला आकस्मिक भेट देऊन मेळाव्याविषयी समाधान व्यक्त केले. सात काऊंटर चे स्टाल लावण्यात आले होते. प्रत्येक बालकांना ठेवलेल्या वस्तू दाखवण्यात आले. त्यावरून त्याच्या सुप्त गुणांची चाचपणी करण्यात आली. बालक व पालकांचे स्वागत करण्यात आले. तसेच शाळेचे मुख्याध्यापक अरविंद टेंभूरकर यांनी शाळा पूर्व तयारी अभियान मेळाव्याची संकल्पना आणि उद्देश सांगितले.
कांता साखरे यांनी कार्यक्रमाचे सूत्रसंचालन केले तर मारोती अंबादे यांनी पाहुण्यांचे आभार मानले. मेळावा यशस्वी करण्यासाठी अरविंद टेंभूरकर मुख्याध्यापक, प्रमोदिनी काटेंगे, हेमलता तितीरमारे, कांता साखरे, महेश जाळे, मारोती अंबादे, विनोद भजने यांनी परिश्रम घेतले. माजी विद्यार्थ्यांनी स्वयंसेवकांचे काम केले. अंगणवाडी सेविका बसंती अंबादे, मंदा शेंडे, लता मडावी, सगुना कुमरे यांनी स्वयंसेवकांचे काम यशस्वीपणे पार पाडले. राकेश मोहूर्ले समन्वयक गटसाधन केंद्र कोरची यांनी मेळावा यशस्वी करण्यासाठी खूप परिश्रम घेतले. या मेळाव्याला कोरची येथील बहुसंख्य नागरिक व पालक उपस्थित होते.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
