चंद्रपूर :- गुरुवार 10 मार्च रोजी सायंकाळी घुग्घुस येथील आमदार सुधीर मुनगंटीवार सेवा केंद्रातून भाजपाचे जिल्हाध्यक्ष देवराव भोंगळे व भाजयुमोचे प्रदेश उपाध्यक्ष विवेक बोढे यांच्या नेतृत्वात चार राज्यातील विजयाचा घुग्घुस भाजपातर्फे मिरवणुक काढून जल्लोष साजरा करण्यात आला.
पाच राज्यातील विधानसभा निवडणुकीचा निकाल जाहीर झाला यात उत्तर प्रदेश, गोवा, मणिपूर व उत्तराखंड या चार राज्याच्या विधानसभा निवडणुकीत भाजपाला स्पष्ट बहुमत मिळाले त्यामुळे भाजपा नेते, पदाधिकारी, महिला आघाडी व कार्यकर्त्यांनी एकत्र येऊन विजय जल्लोष साजरा केला.
याप्रसंगी लाढू वाटप करून फटाक्यांची आतिषबाजी करण्यात आली व बँड पथकाच्या गाजावाज्या सह रॅली काढण्यात आली. ही रॅली आ. सुधीर मुनगंटीवार सेवा केंद्रातून निघाली व नवीन बसस्थानक चौक मार्गे आठवडी बाजार, गांधी चौक मार्गक्रमण करून परत आ. सुधीर मुनगंटीवार सेवा केंद्रात समाप्त करण्यात आली. चौका चौकात प्रचंड फटाक्यांची आतिषबाजी करून लाढू वाटप करण्यात आले तसेच नारेबाजी व घोषणाबाजी करण्यात आली.
मार्गदर्शन करतांना भाजपाचे जिल्हाध्यक्ष देवराव भोंगळे म्हणाले पाच राज्याच्या निवडणुकीत काँग्रेसचा सुफडा साफ झाला आहे. जनतेने काँग्रेसला नाकारले आहे. देशाला प्रगती पथावर नेण्याचे काम पंतप्रधान नरेंद्र मोदी यांनी केले गोर गरीब जनतेला मुख्यप्रवाहात आणले पंतप्रधान नरेंद्र मोदी यांच्या नेतृत्वात देश त्यांच्या पाठीशी उभा राहिला, म्हणून अनेक राज्यातील निवडणुका जिंकता आल्या.
यावेळी माजी जिप सभापती नितुताई चौधरी, माजी पंस उपसभापती निरीक्षण तांड्रा, माजी उपसरपंच संजय तिवारी, माजी सरपंच संतोष नुने, राजकुमार गोडसेलवार भाजपाचे जेष्ठ नेते पूनम शंकर, माजी ग्रामपंचायत सदस्य सिनू इसारप, हेमंत उरकुडे, रत्नेश सिंग, सुचिता लुटे, वैशाली ढवस, मल्लेश बल्ला, अमोल थेरे, श्रीकांत सावे, राजेश मोरपाका, अनिल मंत्रिवार, विवेक तिवारी, विनोद जंजर्ला, बबलू सातपुते, दिलीप कांबळे, भारत साळवे, अनंता बहादे, विक्की सारसर, रज्जाक शेख, मंगेश पचारे, सतीश कामतवार, असगर खान, मानस सिंग, सिनू रामटेके, संजय जोगी, नितीन काळे, अनुप जोगी, कोमल ठाकरे, समय्या कटकम, पुष्पा रामटेके, अर्चना लेंडे, अर्चना मुळेवार, मोठया संख्येत भाजपाचे पदाधिकारी, महिला आघाडी व कार्यकर्ते उपस्थित होते.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
