गडचिरोली:जिल्ह्यातील अतिदुर्गम व आदिवसीबहुल अशी ओळख असलेल्या अहेरीचे प्रकल्प अधिकारी आदित्य जिवने (भाप्रसे) यांची २३ सप्टेंबर रोजी बीड जिल्हा परिषदेच्या मुख्य कार्यकारी अधिकारी पदी नियुक्ती करण्यात आली आहे.
आदित्य चंद्रभान जिवने यांची डिसेंबर २०२३ मध्ये अतिदुर्गम भामरागडच्या प्रकल्प अधिकारी म्हणून नियुक्ती झाली होती.सहाय्यक जिल्हाधिकारी, एटापल्लीचे उपविभागीय अधिकारी आणि प्रकल्प अधिकारी म्हणून कार्यभार सांभाळतानाच अहेरीचे प्रकल्प अधिकारी वैभव वाघमारे (भाप्रसे) यांची बदली होताच त्यांना अहेरीचीही जबाबदारी सोपविण्यात आली होती.त्यानंतर अहेरी आणि भामरागड अश्या दोन्ही ठिकाणचा कारभार त्यांनी सांभाळला.नुकतेच एटापल्लीचे उपविभागीय अधिकारी, भामरागडचे प्रकल्प अधिकारी म्हणून नमन गोयल (भाप्रसे) यांची नियुक्ती झाली.त्यांनतर आदित्य जिवने यांच्या कडे सहाय्यक जिल्हाधिकारी, अहेरीचे उपविभागीय अधिकारी आणि प्रकल्प अधिकारी म्हणून स्वतंत्र कारभार होता.नुकतेच २३ सप्टेंबर रोजी सामान्य प्रशासन विभागाने त्यांचे बीड जिल्हा परिषदेच्या मुख्य कार्यकारी अधिकारी पदी नियुक्तीचे आदेश निर्गमित केले आहे.
आदित्य जिवने (भाप्रसे) हे मूळचे चंद्रपूर जिल्ह्यातील वरोरा येथील असून कोरोना काळात मृत्यूची झुंज देत त्यांनी यूपीएससी परीक्षा उत्तीर्ण केली होती. त्यांनी प्रशिक्षण कालावधीत बीड जिल्ह्यात पटोद्याचे उपविभागीय अधिकारी, बीड तहसीलदार,बीड पंचायत समितीचे गटविकास अधिकारी, माजलगाव नगरपालिकेचे सीओ पदाची सूत्रे सांभाळली आहेत. माजलगाव मध्ये अतिक्रमण हटाव मोहीम राबवून अतिक्रमण धारकांवर मोठ्या प्रमाणात कारवाई केली होती. बीड तहसीलदार व पटोदा उपविभागीय अधिकारी असताना वाळू माफियांवर कारवाई करून त्यांचे कंबरडे मोडले होते. बीड पंचायत समितीचे गटविकास अधिकारी म्हणून त्यांनी उत्कृष्ट कार्य केले. त्यामुळे बीड जिल्ह्यात डॅशिंग अधिकारी म्हणून त्यांची ओळख होती.परत एकदा त्यांची बीड जिल्हा परिषदेच्या मुख्य कार्यकारी अधिकारी म्हणून नियुक्ती झाली आहे हे विशेष.
अहेरीचे प्रकल्प अधिकारी म्हणून कुशल जैन यांची नियुक्ती
आदित्य जिवने यांची बीड जिल्हा परिषदेच्या मुख्य कार्यकारी अधिकारी पदी नियुक्ती झाल्याने त्यांच्या ठिकाणी कुशल जैन (भाप्रसे) यांची नियुक्ती करण्यात आली आहे.कुशल जैन हे मध्यप्रदेश राज्यातील जबलपूर येथील रहिवासी आहेत. ते मायक्रोसॉफ्ट इंजिनियर होते. त्यांनी २०२१ मध्ये यूपीएससी परीक्षा पास केली आहे.त्यांनी यूपीएससी परीक्षेत संपूर्ण भारतातून ४० वा रँक प्राप्त केला.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
