अहेरी: जिल्ह्याच्या दक्षिण भागात सर्वात मोठे शहर म्हणून ओळख असलेल्या अहेरी आणि अल्लापल्ली येथे शनिवारी (24 ऑगस्ट) रोजी अहेरी पोलिसांकडून चोख बंदोबस्त ठेवण्यात आला आहे.त्यामुळे या दोन्ही शहरांना पोलीस छावणीचे स्वरूप प्राप्त झाले आहे.
राज्यातील महिला,अल्पवयीन मुलींवरील वाढत्या अत्याचाराच्या घटनांच्या निषेधार्थ राज्य सरकारच्या विरोधात शनिवारी महाविकास आघाडीकडून (मविआ) महाराष्ट्र बंदची हाक देण्यात आली होती. परंतु मुंबई उच्च न्यायालयाने या बंदला बेकायदेशीर ठरवत मविआला फटकारले. यानंतर मविआच्या नेत्यांकडून न्यायालयाच्या निकालाचा आदर राखून बंद मागे घेत असल्याचे जाहीर करण्यात आले.मात्र,बंद मागे घेण्यात आला तरी मविआतील घटक पक्षांचे नेते, पदाधिकारी, कार्यकर्त्यांनी प्रत्येक जिल्हा, तालुका, गाव पातळीवर शनिवारी सकाळी 11 ते 12 या वेळेत तोंडाला काळ्या फिती बांधून आणि हातात काळे झेंडे घेऊन मुक आंदोलन करावे, अशा सूचना मविआ नेत्यांकडून देण्यात आल्या आहेत.
त्यामुळे यादरम्यान कुठलंही अनुचित प्रकार घडू नये, यामुळे वरिष्ठांच्या मार्गदर्शनात अहेरीचे पोलीस निरीक्षक दशरथ वाघमोडे यांच्या नेतृत्वात अहेरी आणि आलापल्ली शहरात चोख बंदोबस्त ठेवण्यात आला आहे.दोन्ही शहरात मोठ्या प्रमाणात पोलिसांनी सकाळपासून चोख बंदोबस्त ठेवला असून या शहरांना आता पोलीस छावणीचे स्वरूप प्राप्त झाले आहे.
अहेरी आणि आलापल्ली दोन्ही शहरात स्वतः पोलीस निरीक्षक दशरथ वाघमोडे भेट देऊन बारकाईने नजर ठेवून आहेत.कुठलही अनुचित प्रकार घडल्यास कडक कारवाई केली जाणार असल्याचे त्यांनी सांगितले.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
