गडचिरोली:दोन दिवसांपासून तेलंगाणा राज्यात धुमाकूळ घालत दोन शेतकऱ्यांचा बळी घेणारा रानटी हत्ती अखेर प्राणहिता नदी ओलांडून गडचिरोलीतील अहेरी तालुक्यात समाविष्ट वट्रा जंगल परिसरात दाखल झाला आहे. वनविभागाचे कर्मचारी नजर ठेवून असले तरी सीमावर्ती भागातील गावांत भीतीचे वातावरण निर्माण झाले आहे.
३ एप्रिल रोजी पहाटेच्या सुमारास मुलचेरा तालुक्यातील नागुलवाही गावाजवळून वाहणाऱ्या प्राणहिता नदी ओलांडून रानटी हत्तीने तेलंगाणा राज्यात प्रवेश केला.कुमरमभीम जिल्ह्यातील चिंतलामानेपल्ली तालुक्यात समाविष्ट बुरेपल्ली येथे मिरचीच्या शेतात काम करणाऱ्या अल्लूरी शंकर शेतकऱ्यावर हल्ला करत ठार केले.या घटनेने संपूर्ण परिसरात भीतीचे वातावरण निर्माण झाले होते. अशातच ४ एप्रिल रोजी पहाटेच्या सुमारास आपल्या शेतात भात पिकाला पाणी घालत असलेल्या कारू पोशन्ना नामक शेतकऱ्यांवर त्या रानटी हत्तीने हल्ला करत ठार केले. अवघ्या २४ तासात दोन शेतकऱ्यांचा बळी गेल्यावर नागरिकांमधून मोठ्या प्रमाणात रोष व्यक्त केला जात होता.परत जीवितहाणी होऊ नये म्हणून वन विभाग सतर्क झाले आणि महसूल विभागाच्या मदतीने जवळपास ७० कर्मचारी त्या रानटी हत्तीच्या हालचालीवर नजर ठेवले होते.
तेलंगाना राज्यातील बेजुर आणि चिंतलमानेपल्ली तालुक्यातील काही गावात त्या हत्तीचे दर्शन झाले. प्राणहिता नदीच्या काठावर असलेल्या जंगलात हत्ती आढळून आल्याने प्राणहिता नदी ओलांडून परत गडचिरोली जिल्ह्यात दाखल होऊ शकतो असा अंदाज व्यक्त केला जात होता.अखेर शुक्रवार (५ एप्रिल) रोजी रानटी हत्तीने अहेरी तालुक्यातील वट्रा जंगल परिसरात दाखल झाला आहे.
हा परिसर सिरोंचा वन विभागातील रेपणपल्ली वनपरिक्षेत्र अंतर्गत येत असून येथील अधिकारी व चमू या परिसरात त्या रानटी हत्तीचा शोधत घेत असलेतरी परिसरात भीतीचे वातावरण निर्माण झाले आहे.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
