सुरजागडच्या हायवाची दोन दुचाकींना धडक ; भीषण अपघातात तिघांचा जागीच मृत्यू

गोंडपिपरी -(सुरज माडूरवार)

दोन दुचाकी गोंडपिपरी वरून चंद्रपूर मार्गे जात असताना विरुद्ध दिशेने चंद्रपूर वरून सुरजागडला लोह खनिज आणण्याकरिता जाणाऱ्या हायवाची दुचाकींना एवढी जबर धडक दिली की जाग्यावरच दुचाकी चालक तिघांचा मृत्यू झाला .आज दुपारी बारा वाजता चंद्रपूर कोठारी मार्गावरील आक्सापूर येथील मंदिरासमोर MH 33 K 6739,MH 34 AG 3224 या दोन दुचाकींना हायवाने धडक दिली व अपघात घडला. अपघाताची माहिती मिळताच अनेकांनी एकच गर्दी केली.घटनास्थळी कोठारी व गोंडपिपरी पोलीस दाखल झाले आहेत.
मृत्यू झालेल्याचे नाव अजून कळू शकले नाही.पुढील तपास कोठारी व गोंडपिंपरी पोलीस करीत आहे. हायवा चालकांनी घटनास्थळावरून पसार केला असून चालकाचा शोध सुरू आहे.