गडचिरोली:गेल्या दोन महिन्यांपासून मुलचेरा तालुक्यात वाघाने जनावरांवर हल्ला केल्याच्या घटना घडत आहेत.या घटनांमुळे शेतकऱ्यांमध्ये प्रचंड दहशत असतानाच वाघाने हल्ला चढवत पुन्हा एका वासराचा फडशा पाडला. ही घटना रविवार (३ डिसेंबर) रोजी ४.३० वाजताच्या सुमारास मथुरानगर जवळ घडली.
मथुरानगर येथील शेतकरी श्यामल मंडल यांचे दहा-बारा गाई घेऊन त्यांचा मुलगा शुभ मंडल हा गावालगत असलेल्या जंगलात चराईसाठी गेला होता.गावाकडे परत येत असताना वाघाने गावातील तलाव जवळ वासरावर हल्ला चढवत त्याचा फडशा पाडला. एवढेच नव्हेतर त्याच्या डोळ्यादेखत वारसाला किमान शंभर मीटर पर्यंत फरफटत आणला. रस्त्यालगत जंगल लागून असल्याने अनेकांनी वाघाला पाहिल्याचे गावकऱ्यांनी सांगितले.
मागील दोन महिन्यांपासून मुलचेरा तालुक्यात वाघाने प्रचंड धुमाकूळ घातला असून विविध ठिकाणी पाळीव प्राण्यांवर हल्ला करत असल्याचे दिसून येत आहे.मागील महिन्यात विश्वनाथनगर येथील एका शेतकऱ्यांवर सुद्धा वाघाने हल्ला केला होता.त्याने कसेबसे झाडावर चढण्याचा प्रयत्न करताना त्याच्या दोन्ही पायाला गंभीर जखम झाली.सुदैवाने त्याचे प्राण वाचले.गंभीर अवस्थेत त्याला गावकऱ्यांनी ग्रामीण रुग्णालयात दाखल केले होते.
सध्या तालुक्यातील विविध गावांत दररोज वाघाचे दर्शन होत असल्याचे शेतकरी सांगतात.वाघांचा बंदोबस्त करण्यासाठी वनविभागाकडे यापूर्वीच निवेदन देण्यात आले आहे.मात्र,अजूनपर्यंत वन विभागाने पुढाकार घेतला नसल्याचे शेतकऱ्यांनी सांगितले आहे.मथुरानगर येथील घटनेची माहिती मिळताच गोमनी चे वनरक्षक घटनास्थळी दाखल झाले आहे.या घटनेमुळे श्यामल हरण मंडल या शेतकऱ्याचे मोठे नुकसान झाले असून नुकसानग्रस्त शेतकऱ्यास वन विभागाने आर्थिक मदत द्यावी, अशी मागणी परिसरातील शेतकऱ्यांनी केली आहे.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
