महाराष्ट्र व्हॉलीबॉल शालेय संघात निवड झालेल्या ईश्वरीचा छोटू भाऊंनी केला सत्कार

वरोरा : जिल्हा चंद्रपूर येथील लोक शिक्षण संस्था, वरोडा अंतर्गत येणाऱ्या लोकमान्य इंग्लिश मीडियम हायस्कूल वरोरा येथील नववीची विद्यार्थिनी कु. ईश्वरी विलास राऊत हिची तामिळनाडू येथे होणाऱ्या 17 वर्षाखालील मुलींच्या शालेय राष्ट्रीय व्हॉलीबॉल स्पर्धेकरिता महाराष्ट्र राज्य संघात निवड झाली त्याबाबदल माजी सभापती तथा प्रदेश उपाध्यक्ष महाराष्ट्र प्रदेश काँग्रेस कमिटी काँग्रेस कामगार व कर्मचारी विभाग जैरुद्दीन शेख (उर्फ छोटूभाई) यांनी सत्कार केला .
नुकत्याच बोईसर जिल्हा पालघर येथे संपन्न झालेल्या महाराष्ट्र राज्य शालेय राज्यस्तरीय स्पर्धेमध्ये ईश्वरी ने आपल्या उत्कृष्ट खेळाचे प्रदर्शन करून महाराष्ट्र संघात स्थान पटकाविल्यामुळे वरोरा शहरात सर्वत्र तिचे कौतुक करण्यात येत आहे. यावेळी छोटू भाई यांच्या सह ॲड.विनोद कत्तरमारे विलास राऊत ,संजय खंळारकर, गोपीचंद कोहळे यांनी ईश्वरीचे अभिनंदन करून शुभेच्छा दिल्या.