गडचिरोली:- महाराष्ट्रातील एकमेव शासकीय हत्ती कॅम्प म्हणून प्रसिद्ध असलेल्या गडचिरोली जिल्ह्यातील कमलापूर येथील हत्ती कॅम्प मध्ये हत्तीनीच्या प्रसुतीनंतर पिलाचा मृत्यू झाल्याची धक्कादायक घटना समोर आली आहे. या घटनेमुळे वनविभागाच्या वर्तुळात एकच खळबळ उडाली आहे. मंगला नावाच्या हत्तीनीच्या प्रसूतीनंतर त्याचा पिलू मृतावस्थेत आढळला आहे.

गडचिरोली जिल्ह्यातील सिरोंचा वनविभागाच्या अंतर्गत येत असलेल्या कमलापूर येथील वनपरिक्षेत्रातील शासकीय हत्ती कॅम्प मध्ये एकूण आठ हत्तींचा समावेश होता.येथे असलेल्या मंगला नावाची हत्तीनी मागील काही महिन्यांपासून गरोदर होती.काल 26 फेब्रुवारी रोजी जंगलात प्रसूती झाल्याची माहिती समोर येत आहे.आज सकाळी येथील कर्मचारी हत्तीकॅम्प परिसरात हत्तींना आणण्यासाठी जंगलात गेले असता त्याचा पिलू मृतावस्थेत आढळून आला आहे. या घटनेची माहिती मिळताच वनविभागाच्या अधिकाऱ्यांनी घटनास्थळी जाऊन पाहणी केली आणि हत्तीचा पिलाला शवविच्छेदनासाठी रेपणपल्ली येथे आणल्याची माहिती आहे.

सिरोंचा वनविभागाच्या अंतर्गत येत असलेल्या कमलापूर वनपरिक्षेत्रातील शासकीय हत्ती कॅम्प हे राज्यातच नव्हे तर देशात प्रसिद्ध आहे दरवर्षी या ठिकाणी पर्यटकांची वर्दळ असते. मात्र 2020 पासून हत्तींचे मृत्यू होत असल्याने वनविभागाच्या कारभारावर प्रश्नचिन्ह निर्माण झाले आहे.सध्या या हत्तीकॅम्प परिसरात 8 हत्तींचा समावेश होता त्यातील मंगला नावाच्या हत्तीनेने एका पिल्लाला जन्म दिला मात्र पिल्लू मृतावस्थेत आढळला आहे.

*मंगला नावाच्या हत्तींनीचा तिसऱ्या अपत्याचाही मृत्यू*
पूर्वी या हत्ती कॅम्प मध्ये एकूण दहा हत्तींचा समावेश होता.मात्र 29 जून 2020 ला ‘आदित्य’ नावाच्या चार वर्षी हत्तीचा पिलांचा मृत्यू झाला होता.3 ऑगस्ट 2021 ला ‘सई’ तर 6 ऑगस्ट 2021 ला ‘अर्जुन’ नावाच्या हत्तीच्या पिलाचा मृत्यू झाल्याने वनविभागाच्या कारभारावर प्रश्नचिन्ह निर्माण करत वण्यप्रेमींनी उच्चस्तरीय चौकशीची मागणीही केली होती. विशेष म्हणजे यापूर्वी मृत्यू झालेले हत्तीचे पिले आदित्य आणि अर्जुन हे मंगला आणि अजित चे अपत्य होते आणि आज पुन्हा एकदा मंगला आणि अजित नावाच्या हत्तीचा मादी पिलाचा बळी गेला आहे,हे विशेष.

*राष्ट्रीय महामार्गावरील रेपणपल्ली येथे शवविच्छेदन सुरू*
सायंकाळच्या वेळेला हत्तींना जंगलात सोडण्यात येते त्यादरम्यान मध्यरात्री प्रसुती झाली असावी आणि हत्तीचा पिल्लू मृतावस्थेत जन्मला असावा असा अंदाज वनविभागाकडून व्यक्त केले जात आहे. या घटनेची माहिती वरिष्ठ अधिकाऱ्यांना देण्यात आली असून शवविच्छेदनसाठी ताडोबा आणि गडचिरोली जिल्ह्यातील पशुवैद्यकीय अधिकाऱ्यांची चमू बोलाविण्यात आले असून रात्रीची वेळ असल्याने राष्ट्रीय महामार्गावर असलेल्या रेपनपल्ली येथे शवविच्छेदन केले जात आहे. मृत्यूचा नेमका कारण शवविच्छेदनानंतरच कळणार असल्याची माहिती येथील प्रभारी वनपरिक्षेत्र अधिकारी संजोग खडतर यांनी महाराष्ट्र टाइम्स ऑनलाइनशी बोलताना दिली आहे.