अहेरी: जिल्ह्यात नेहमीच विविध ठिकाणी विविध क्रीडा स्पर्धांचे आयोजन केले जातात.या स्पर्धांमध्ये ग्रामीण भागातील खेडाळू हिरीरीने भाग घेतात आणि चांगले क्रीडा कौशल्य दाखवतात. विविध ठिकाणी आयोजित क्रीडा स्पर्धेमध्ये ग्रामीण भागातील खेळाडूंना आपले कौशल्य दाखविण्याची संधी मिळत आहे. या माध्यमातून नक्कीच राज्याचे नाव उज्वल करणारे गुणवत्तापूर्ण खेळाडू घडतील असे प्रतिपादन माजी जि प अध्यक्ष तथा सिनेट सदस्य भाग्यश्री आत्राम यांनी केले.अहेरी तालुक्यातील चंद्रा येथे वीर बाबुराव शेडमाके क्रीडा मंडळ तर्फे भव्य ग्रामीण टेनिस बॉल क्रिकेट स्पर्धेचे उदघाटन त्यांच्या हस्ते करण्यात आला.यावेळी ते बोलत होते.
यावेळी प्रमुख पाहुणे म्हणून राष्ट्रवादी युवक काँग्रेसचे प्रदेश उपाध्यक्ष तथा जिल्हा नियोजन समिती सदस्य ऋतुराज हलगेकर,माजी प स सदस्य हर्षवर्धन राव आत्राम,माजी सरपंच बालाजी गावडे,देवाजी सडमेक,ईश्वर आलाम,लक्ष्मण मडावी,गोविंदा वेलादी,रंगाजी तलांडे,जगन्नाथ आलाम,मोहन वेलादी,सुरेश सोयाम,शीतल मडावी,नागेश कुमरे,रवी वेलादी,मोरेश सिडाम तसेच चंद्र गावातील आदी मान्यवर उपस्थित होते.
पुढे बोलताना ग्रामीण भागात उत्कृष्ट खेळाडू आहेत. मात्र शालेय जीवनात ज्यांना शिक्षकांकडून मार्गदर्शन मिळते आणि विविध स्तरावरील विविध क्रीडा स्पर्धेत सहभागी होतात तेच खेडाळू पुढे जातात. शिक्षणात खंड पडलेल्या युवकांमध्येही अनेक सुप्त गुण दडलेले आहेत. मात्र त्यांना पाहिजे त्या प्रमाणात संधी आणि मार्गदर्शन नसल्याने अनेक युवकांना मिळणाऱ्या संधीपासून वंचित रहावे लागत आहे. त्यामुळे शिक्षणात खंड न पडू देता शिक्षण घेतानाच विविध क्रीडा स्पर्धेमध्ये सहभागी होऊन स्वतःचा आणि जिल्ह्याचा नावलौकिक करा असे आवाहन यावेळी भाग्यश्री आत्राम यांनी केले.यावेळी परिसरातील विविध क्रिकेट चमू आणि क्रिकेट प्रेमी उपस्थित होते.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
