.भामरागड : -तालुक्यातील लाहेरी येथील राजकीय व सामाजिक व्यक्तिमत्त्व, एटापल्ली व भामरागड पंचायत समितीचे माजी सभापती तथा गडचिरोली जिल्ह्या कॉंग्रेसचे माजी अध्यक्ष स्वर्गीय मालू कोपा बोगामी यांच्या २१व्या स्मृतीदिनानिमित्त कॉंग्रेसच्या दिग्गजांच्या उपस्थितीत बोगामी यांना १०फेब्रुवारी २०२३ ला अभिवादन करून भावपुर्ण श्रद्धांजली वाहिली.
याप्रसंगी झालेल्या कार्यक्रमाचे अध्यक्ष माजी खासदार मारोतराव कोवासे हे होते.प्रमुख अतिथी महाराष्ट्र प्रदेश कॉंग्रेसचे अनुसूचित जमाती प्रदेशाध्यक्ष तथा माजी आमदार डॉ.नामदेव उसेंडी, महाराष्ट्र प्रदेश कॉंग्रेस कमिटीचे महासचिव डॉ.नामदेव किरसान,अहेरी उपजिल्हा रुग्णालयाचे वैद्यकीय अधीक्षक डॉ.कन्ना मडावी,माजी आमदार पेंटा रामा तलांडी,सगुणाताई तलांडी,माजी जि.प.अध्यक्ष अजय कंकडालवार, महाराष्ट्र प्रदेश युवक कॉंग्रेसचे सचिव विश्वजीत कोवासे, कॉंग्रेसचे अनुसूचित जाती सेलचे जिल्हा अध्यक्ष रजनीकांत मोटघरे, माजी पंचायत समिती सभापती मादी केसा आत्राम, भामरागड नगरपंचायतचे माजी अध्यक्ष राजू वड्डे आदी मान्यवर उपस्थित होते.
सर्वप्रथम स्वर्गीय मालू कोपा बोगामी यांच्या प्रतिमेचे मान्यवरांच्या हस्ते पूजन करून आदरांजली अर्पण करण्यात आली.तद्नंतर शासकिय आश्रम शाळा लाहेरी येथील विद्यार्थ्यांनी मान्यवरांचे स्वागतगीतांनी स्वागत करुन सांस्कृतिक कार्यक्रम सादर केला. स्वर्गीय मालू कोपा बोगामी हे एटापल्ली व भामरागड तालुक्यातील विकासाचे महामेरू कसे होते? त्यांनी या दुर्गम भागाच्या विकासाचा विडा कसा उचलला? अधिकारी व कर्मचारी यांच्यापर्यंत जावून प्रत्यक्ष विकास कसा करता येईल यांची चर्चा बोगामी साहेबांनी करून विकासाचा नियोजन आराखडा आखायचे.एवढेच नाही तर, आदिवासींच्या व परिसरातील नागरिकांच्या न्याय-हक्कासाठी मंत्रालयात लढा देणारे व्यक्तिमत्त्व होते.असे मान्यवरांनी आपल्या मनोगतातून भावना व्यक्त केल्या.
स्वर्गीय मालू कोपा बोगामी हे शिक्षक ते राजकारण व राजकारणातून समाजकारण करणारे द्रष्ट्ये पुढारी होते.मात्र १० फेब्रुवारी २००२ ला गैरसमजातून त्यांची हत्या करण्यात आली.या घटनेला आज २१ वर्षे पूर्ण झाले.भामरागड परिसर त्यांच्या जाण्याने राजकिय नेतृत्वाने पोरका झाला.राजकिय नेतृत्वाच्या अभावाने भामरागड तालुका अविकसित राहिला.असा सूर मान्यवरांच्या मनोगतातून जाणवला.
कार्यक्रमाचे प्रास्ताविक बंगारू गावडे यांनी केले.संचालन लीलाधर कसारे यांनी,तर उपस्थितांचे आभार स्व.बोगामी साहेबांची कन्या उज्ज्वला बोगामी हिने मानले.कार्यक्रमाला परिसरातील जनता मोठ्या संख्येने उपस्थित होती.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
