सकमुरसह पाच गावांचा पाणीपुरवठा तीन दिवसांपासून ठप्प

गोंडपिपरी- हेटी नांदगाव येथील पाणी पुरवठा तीन दिवसांपासून बंद असल्याने हेटी नांदगाव सह,सकमुर,गुजरी,चेकनंदगाव,कुडेनांदगाव,टोलेनांदगाव पाणीपुरवठा ठप्प आहे.सकमुरात नैसर्गिक पाण्याचे स्रोत नसल्याने गढूळ पाण्याने तहान भागवण्याची वेळ गावकऱ्यांवर आली आहे.आज दि.२ गुरुवारी गावकऱ्यांनी पंचायत समितीवर धडक देत संवर्ग विकास अधिकारी शालीकराव मावलीकर यांना निवेदन देत लवकरात लवकर पाणी पुरवठा योजना सुरू करा अन्यथा तीव्र आंदोलन करू असा ईशारा देण्यात आला.यावेळी माजी जि. प.सदस्य अमर बोडलावार,, ग्रा पं सदस्य संतोष मुगलवार,युवासेना तालुका उपप्रमुख गौरव घुबडे, संजय तेलजीलवार,यशवंत शेरके,विकास येलमुले,महेश घुबडे,अखिल मानकर,नितेश कोटावार,सिकंदर गिणघरे,राहुल जक्कूलवार यांची उपस्थिती होती