गडचिरोली:- गडचिरोलीचे पोलीस अधीक्षक निलोत्पल यांनी राज्याच्या शेवटच्या टोकावर वसलेल्या लाहेरी उप पोलीस स्टेशनला भेट देऊन त्यांनी अतिदुर्गम आणि नक्षलग्रस्त भागातील नागरिकांशी संवाद साधून प्रजासत्ताक दिनाच्या शुभेच्छा दिले.
संपूर्ण देशात आज ७४ वा प्रजासत्ताक दिन मोठ्या उत्साहात साजरा होत आहे. तर दुसरीकडे गडचिरोलीचे पोलीस अधीक्षक निलोत्पल यांनी चक्क छत्तीसगड सीमेवर असलेल्या लाहेरी उप पोलीस स्टेशनला भेट देऊन पाहणी केली तसेच उपस्थित होडरी, लष्कर,गोपणार, कोयर, गुंडेनूर,मुरंगल आदी अति दुर्गम आणि नक्षलग्रस्त भागातील नागरिकांशी त्यांनी संवाद साधून नागरिकांची अडचण जाणून घेतली.
विशेष म्हणजे सदर उप पोलीस स्टेशन अंतर्गत येणारे गावे ही अतिदुर्गम व नक्षलग्रस्त म्हणून ओळखले जातात.लाहेरी पासून जवळपास २० किलोमीटर अंतरावर छत्तीसगड ची सीमा आहे.त्यामुळे हा परिसर अतिसंवेदनशील मानला जातो.पोलीस अधीक्षक निलोत्पल हे पदभार स्वीकारल्यानंतर अति संवेदनशील भागात असलेल्या पोलीस मदत केंद्र, उप पोलीस स्टेशन ला प्रत्यक्ष भेटी देत परिस्थिती जाणून घेण्याचा प्रयत्न करीत आहेत. प्रजासत्ताक दिनानिमित्त पोलीस अधीक्षक कार्यालय,गडचिरोली येथे ध्वजारोहण संपन्न होताच त्यांनी चक्क लाहेरी गाठले. या भेटीमुळे येथील अधिकारी व अंमलदार यांचे नक्कीच मनोबल वाढणार आहे.
यावेळी अपर पोलीस अधीक्षक अनुज तारे, अपर पोलीस अधीक्षक कुमार चिंता, अप्पर पोलीस अधीक्षक अहेरी यतीश देशमुख, पोलीस मदत केंद्र लाहेरीचे प्रभारी अधिकारी महादेव भालेराव, पोलीस उपनिरीक्षक संतोष काजळे तसेच आदी कर्मचारी उपस्थित होते.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
