अहेरी:- आदिवासी विद्यार्थी हे अत्यंत निष्ठावंत तसेच संस्कृतीप्रिय असतात. काही प्रमाणात लाजाळू असले तरी प्रामाणिकता हा विशेष गुण त्यांच्यात आहे. या विद्यार्थ्यांची बुद्धी तल्लक असते. कुठलेही परिश्रम करण्यात ते मागेपुढे पाहत नाही. फक्त त्यांना योग्य दिशा देण्याची गरज आहे.असे सुप्त गुण अनेक विद्यार्थ्यांमध्ये आहे. फक्त त्यांची क्षमता ओळखून त्यांना चालना दिली तर त्यांचा विकास नक्कीच होईल, असे प्रतिपादन भगवंतराव मेमोरियल शिक्षण संस्था,अहेरीचे अध्यक्ष भाग्यश्रीताई आत्राम यांनी केले. भगवंतराव प्राथमिक तथा माध्यमिक आश्रम शाळा राजाराम खांदला येथे प्रजासत्ताक दिनानिमित्त पूर्वसंध्येला सांस्कृतिक कार्यक्रमाचे आयोजन करण्यात आले या कार्यक्रमाचे उद्घाटक म्हणून ते बोलत होते.
यावेळी मंचावर प्रमुख पाहुणे म्हणून येथील माजी सरपंच विनायक आलाम, शालेय व्यवस्थापन समितीचे उपाध्यक्ष व्यंकटेश अर्का, वनिता आलाम, मंगला आत्राम, सपना मारकवार, ज्येष्ठ नागरिक कोंडय्या केकर्लावार, सुभाष मारगोनवार, नारायण कंबगोनीवार,ऍड रुपाली माकडे,माजी प स सभापती भास्कर तलांडे,विजय अंबिलपवार,नारायण आत्राम,अशोक आत्राम,रंगा आलाम,तिरुपती कुळमेथे, मुख्याध्यापक एम व्ही बासनवार, शिक्षक वर्ग, शिक्षकेत्तर कर्मचारी तसेच पालक मोठ्या संख्येने उपस्थित होते.
पुढे बोलताना आदिवासी समाजाच्या सर्वांगीण विकासासाठी शिक्षण महत्त्वाचे असून खेड्यापाड्यातील प्रत्येक विद्यार्थ्याने शिक्षण घ्यावे या उदात्त हेतूने भगवंतराव मेमोरियल शिक्षण संस्थेतर्फे खेड्यापाड्यात आश्रम शाळा सुरू करण्यात आले आहे. दुर्गम भागात दहावीपर्यंत शिक्षण झाल्यावर येथील विद्यार्थी तालुका मुख्यालयात येऊन पुढील शिक्षण घेतात.मात्र,यापुढे आश्रम शाळेतील गुणवंत विद्यार्थ्यांना थेट जिल्हा पातळीवर असलेल्या सैनिकी शाळेत मोफत शिक्षण देण्याचा निर्धार केला असून त्यांचा खर्च मी स्वतः उचलनार असल्याचे त्यांनी सांगितले. एवढेच नव्हे तर सर्वांनाच त्या ठिकाणी प्रवेश देणे शक्य नसल्याने अंतिम निकालात अव्वल असलेल्या विद्यार्थ्याला सैनिकी शाळेत प्रवेश मिळणार असून त्यासाठी आतापासूनच नियमित अभ्यास करण्याचे आवाहनही त्यांनी केले.या आवाहनाला चिमुकल्या विद्यार्थ्यांनी सुद्धा उत्तम प्रतिसाद दिला.या सांस्कृतिक कार्यक्रमात आश्रम शाळेतील विद्यार्थ्यांनी उत्तम कला दाखविली. कार्यक्रमाचे प्रास्ताविक येथील मुख्याध्यापक एम व्ही बासनवार तर सूत्रसंचालन व आभार गोंडाने यांनी केले.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
