७५ व्या स्वातंत्र्याच्या अमृतमहोत्सवा प्रसंगी ७५ नागरिकांनी केले रक्तदान

गोंडपिपरी-(सुरज माडुरवार) :- भारतीय स्वातंत्र्याच्या ७५ व्या अमृत महोत्सवाच्या औचित्याने गोंडपीपरी पोलिस स्टेशन च्या वतीने पोलीस स्टेशनच्या आवारत रक्तदान शिबिराचे आयोजन दि.(१७) बुधवारी करण्यात आले .
आयोजित रक्तदान शिबिरात ७५ रक्तदात्यांनी रक्तदान केले.शिबिराची सुरवात सामूहिक राष्ट्रगीताने करण्यात आली.यावेळी पोलिस कर्मचारी, पोलीस पाटील , होम गार्ड, गावागावातिल युवकानीं रक्तदान शिबिरात उत्स्फुर्त सहभाग घेत रक्तदान केले सामाजिक दायत्व जोपासले.यावेळी ठानेदार जीवन राजगुरू, पिएसआय धर्मराज पटले,तहसीलदार के डी मेश्राम,संवर्ग विकास अधिकारी मुंडकर,सुरेश चौधरी, आरोग्य विभागाचे डॉ अभिजित मानकर,सरोज पवणीकर व जीवन ज्योती ब्लड ब्यांकचे कर्मचारी उपस्थित होते.रक्तदात्यांना सन्मानपत्र देऊन गौरविण्यात आले.विशेष म्हणजे ७५ वा अमृत महोत्सवी ७५ जणांनी रक्तदान केले हा सुखद योगायोग असल्याची भावना ठाणेदार राजगुरू यांनी व्यक्त केली.रक्तदान शिबिर यशस्वी करण्यासाठी पोलीस कर्मचाऱ्यांनी अथक परिश्रम घेतले