देसाईगंज:- देसाईगंज येथील बँक ऑफ इंडियाच्या शाखेत रात्री दोन ते तीन वाजता दरम्यान एटीएम मशीन तोडण्याचा प्रयत्न केला मात्र रक्कम काढता न आल्याने मशीन व डिस्प्ले बोर्ड तोडफोड करून पळून गेले. यामुळे देसाईगंज शहरातील पोलीसांच्या रात्रपाळी गस्तीवर प्रश्नचिन्ह निर्माण झाले आहे.
मिळालेल्या माहितीनुसार देसाईगंज शहरात बाबासाहेब आंबेडकर विद्यालयाच्या लागूनच असलेल्या कब्रस्तानात बायपास रोडवर बँक ऑफ इंडिया ची शाखा मुख्य बाजारपेठेतुन तीन वर्षांपूर्वी स्थानांतरित झाली होती. ही शाखा शहरातील मुख्य मुख्य बाजारपेठेच्या प्रवाहाबाहेर असल्याने असुरक्षित वाटत होते. नेमकी हीच बाब हेरून चोरांनी दि १७ ला रात्री उशिरा दोन ते तीन वाजता दरम्यान एटीएम मशीन चे शटर तोडुन दर्शनी भागाचा काच फोडले व आत प्रवेश केल्यावर मशीन चा डिस्प्ले बोर्ड वर उचलून मागे पुढे करून तोडले व मशीन तोडण्याचा प्रयत्न केले मात्र रक्कम काढता न आल्याने बँकेच्या समोर लावण्यात आलेले सीसीटीव्ही कॅमेरे तोडून टाकून एटीएम मशीनची तोडफोड केली आहे.
बँक ऑफ इंडिया शाखा देसाईगंज येथील शाखा व्यवस्थापक वैभव भोयर यांनी पोलीस स्टेशन मध्ये बँकेच्या मालमत्तेचे नुकसान करणे व चोरीचा , दरोडा टाकण्याचा प्रयत्न केल्याबद्दल लेखी तक्रार दाखल केली असून गुन्हा दाखल करण्यात आले आहे.
दरम्यान पोलिसांनी स्वान पथकाला पाचारण करण्यात आले होते मात्र सुगावा लागला नाही. पोलीस निरीक्षक महेश मसराम अधिक तपास करीत आहेत.
“शाखा परस्पर हलविली”
बँक ऑफ इंडियाची शाखा आधी मुख्य बाजारपेठेत होती. ही शाखा शहरातील शाळा परिसरात हलविण्या पुर्वी कुठल्याही वृत्तपत्रात जाहिरात प्रसिद्ध न करता शाळा संचालकाने नागपूर च्या जेमतेम निवृत्त होणाऱ्या रिजनल मनेजर सोबत आर्थिक गैरव्यवहार करून जाहिरात प्रसिद्ध करु न देता परस्पर करारनामा करून परस्पर हलविले आहे.ही बँक ऑफ इंडिया ची शाखा अशा सानसून जागेवर हलविली कशी असा प्रश्न शहरातील नागरिकांनी व्यक्त केला आहे. सुरक्षेच्या दृष्टिकोनातून या शाखेचा प्रश्न ऐरणीवर आला असून या घटनेनंतर वरिष्ठांचे आता तरी डोळे उघडले जातील असे बँक कर्मचारी दबक्या आवाजात बोलत आहेत.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
