गडचिरोली:एसटी महामंडळाच्या चालत्या एसटीचा चाक निखळल्याची घटना नागेपल्लीत घडली आहे. सोमवारी दुपारी १२.४० च्या सुमारास आलापल्ली-अहेरी मार्गावर प्रवास करताना नागेपल्ली येथील राजे धर्मराव पटांगणासमोर ही घटना घडली. चालक व प्रवाशांनी वेळीच प्रसंगावधान राखल्याने मोठी जीवितहानी टळली आहे.
प्राप्त माहितीनुसार अहेरी आगाराची एमएच-४० ए क्यू-६०७१ या क्रमांकाची एसटी बस १९ ऑगस्ट रोजी सकाळी ९ वाजताच्या दरम्यान प्रवासी घेऊन सिरोंचा येथून अहेरीकडे निघाली होती.दरम्यान आलापल्ली येथील बस स्थानकात काही प्रवाश्यांना उतरविल्यावर दुपारी १२.३० च्या सुमारास ती बस आलापल्ली वरून अहेरीकडे निघाली.मात्र नागेपल्ली गाव ओलांडल्यावर राजे धर्मराव कॉलेज जवळ धावत्या एसटीच्या डाव्या बाजूची चाक निखळली.
धावत्या एसटी बस मधून आवाज येत असल्याने वाहन चालक परसुटकर आणि वाहक पुंगाटी यांनी बस थांबवून बघितले असता त्यांना मागच्या डाव्या बाजूचे एक चाक निखळल्याचे लक्षात आले.एसटीच्या मागेच काही अंतरावर रस्त्याच्या कडेला पाण्याच्या खड्ड्यात चाक पडल्याचे निदर्शनास आले.ही माहिती कळताच प्रवासी तात्काळ बाहेर पडले आणि इतर वाहनांचा आधार घेऊन घर गाठले.चाक सोबतच नट बोल्ट देखील निघाले होते.मागील डाव्या बाजुला एकच चाकेवर बस उभी होती.दुसरी चाक निखळली असती तर प्रवाशांच्या जीवाला देखील धोका निर्माण झाला असता.मात्र चालकाच्या प्रसंगावधानाने जीवितहानी टळली.
चालक आणि वाचकाने ही माहिती अहेरी आगाराला कळविले मात्र,तेंव्हापर्यंत चालक आणि प्रवाश्यांची भंबेरी उडाली होती.या पूर्वी देखील एसटीचा व्हिडीओ व्हायरल झाला.त्यात अहेरी आगाराच्या एका चालत्या बसचे छप्पर उडाले होते, तर चालकाच्या एका हातात व्हायपर तर दुसऱ्या हातात स्टेअरिंग असलेला व्हिडीओ देखील व्हायरल झाला तर नुकतेच पावसात एसटी बस अक्षरशः गळत असल्याने प्रवाश्यांना चक्क छत्री घेऊन बसावे लागले.गडचिरोली जिल्ह्यातील भंगार बससेवेमुळे प्रवाशांमधून संताप व्यक्त केला जात आहे.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
