अहेरी:- उपविभागातील एटापल्ली तालुक्यात जुलै महिन्यात नैसर्गिक आपत्तीत मृत पावलेल्या तीन जणांच्या वारसांना तब्बल १२ लाखांची मदत देण्यात आली. येथील तहसीलदार हेमंत गांगुर्डे यांच्या विशेष प्रयत्नातून तात्काळ याच महिण्यात मदत मिळाली आहे. तिन्ही मृतांच्या वारसांना अहेरीचे अप्पर जिल्हाधिकारी विजय भाकरे यांच्या हस्ते धनादेश वितरित करण्यात आले.
नैसर्गिक आपत्तीत बाधित झालेल्यांना व मृतांच्या वारसांना शासनाकडून आर्थिक मदत देण्यात येत असते.जुलै महिन्यात एटापल्ली तालुक्यात तीन विविध घटना घडल्या.त्यात २ जुलै २०२४ रोजी अमित डोलू तिम्मा रा. तोडसा हा पुराच्या पाण्यात वाहून गेला होता.तर चंदू गिरमा पोरतेट रा.जिवनगट्टा याचा वीज पडून मृत्यू झाला होता.तर ८ जुलै रोजी अंकुश पांडू कुळयेटी रा.मरपल्ली याचा नाल्यात वाहून गेल्याने मृत्यू झाला होता.
नैसर्गिक आपत्तीत मृत पावलेल्या इसमांच्या वारसांना तात्काळ शासनाची मदत मिळावी या उदात्त हेतूने येथील तहसीलदार हेमंत गांगुर्डे यांनी विशेष प्रयत्न केले. विशेष म्हणजे तिन्ही घटना जुलै महिन्यात घडल्या असून याच जुलै महिन्यात त्यांना प्रत्येकी चार लाख रुपयांची मदत देण्यात आली.२२ जुलै रोजी तोडसा, जीवनगट्टा, मरपल्ली या तिन्ही गावात मृतांच्या वारसांची भेट घेऊन अहेरीचे अप्पर जिल्हाधिकारी विजय भाकरे यांनी प्रत्येकी चार लाखांचे धनादेश वितरित केले.
यावेळी तहसीलदार हेमंत गांगुर्डे गटविकास अधिकारी डॉ.आदिनाथ आंधळे, तालुका आरोग्य अधिकारी डॉ. सचिन कन्नाके, पंचायत समितीचे सहाय्यक प्रशासन अधिकारी मडावी,तलाठी पी एन उसेंडी,पी डी आत्राम,कोतवाल देवाजी गावडे,सुरेश दुर्गे,सचिन गेडाम आधी गावकरी उपस्थित होते.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
