गडचिरोली: पूर परिस्थितीमध्ये प्रसुतीकळा सुटल्यानंतर रुग्णालयात जाण्यासाठी जेसीबीच्या बकेटमध्ये बसून नाला ओलांडण्याची नामकी ओढवलेल्या झुरी संदीप मडावी या महिलेची प्रसूती झाल्याने सर्वांनी सुटकेचा निश्वास सोडला.
गुरुवारी (१८ जुलै) रोजी कुडकेली येथील झुरी संदीप मडावी या महिलेला प्रसूती काळा सुटल्यानंतर आरोग्य कर्मचाऱ्यांनी तिला भामरागडच्या ग्रामीण रुग्णालयात हलविण्यासाठी सांगितले होते. तेव्हा तिला घेण्यासाठी ताडगाव येथील प्राथमिक आरोग्य केंद्राची रुग्णवाहिका गेली होती. मात्र आलापल्ली ते भामरागड या राष्ट्रीय महामार्गावरील कुडकेली जवळ असलेल्या नाल्यावरील वळण मार्ग वाहून गेल्याने रुग्णवाहिका कुडकेली पर्यंत जाऊ शकली नाही.गावातील आशा वर्कर संगीता शेगमकर यांनी गावकऱ्यांच्या मदतीने ३ किलोमीटर अंतरावरील नाल्यापर्यंत आणले.
सदर नाल्यावर रपटा नसल्याने आणि नाल्यात पाणी असल्याने त्या गरोदर मातेला नाला ओलांडणे कठीण होते. अशा परिस्थितीत तिथेच कामावर असलेल्या जेसीबीच्या बकेट मध्ये बसुन नाला पार करावा लागला होता. त्यानंतर तिला भामरागडच्या ग्रामीण रुग्णालयात हलविण्यात आले. जेसीबीच्या बकेटमध्ये बसून नाला ओलांडतानाचा व्हिडीओ चांगलाच समाज माध्यमांमध्ये व्हायरल झाला होता.
अखेर दुसऱ्या दिवशी शुक्रवारी झूरीची साधारण प्रसूती झाली. तिने एका गोंडस बाळाला जन्म दिला.आई आणि बाळ दोघेही सुखरूप आहेत असे ग्रामीण रुग्णालयाचे वैद्यकीय अधिकारी यांनी सांगितले.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
