गडचिरोली: जिल्हा परिषद गडचिरोली व ओपन लिंक्स फाउंडेशन यांच्यातील सामंजस्य कराराअंतर्गत राबविण्यात येणाऱ्या आचार्य विनोबा भावे शिक्षक सहाय्यक कार्यक्रम अर्थात विनोबा (बा) ॲपच्या माध्यमातून जिल्ह्यातील उपक्रमशील शिक्षकांना प्रत्येक महिन्यात प्रोत्साहन पर पुरस्कार देऊन सन्मानित करण्यात येते. त्या अनुषंगाने चामोर्शी तालुक्यातील जिल्हा परिषद उच्च प्राथमिक कन्या शाळा कुणघाडा रै च्या उपक्रमशील शिक्षिका कु. प्रीती प्रल्हाद नवघडे आणि धानोरा तालुक्यातील जिल्हा परिषद उच्च प्राथमिक शाळा कारवाफाचे उपक्रमशील शिक्षक जितेंद्र रायपुरे यांना नुकतेच झालेल्या एका कार्यक्रमात ग्लोबल टीचर पुरस्कार प्राप्त रंजितसिंग डिसले गुरुजी यांच्या हस्ते सन्मानित करण्यात आले.
गडचिरोली जिल्ह्यातील जिल्हा परिषद शाळेतील शिक्षकांना नवनवीन उपक्रमांचे आदान प्रदान करण्यासाठी विनोबा ॲप हे एक हक्काचे व्यासपीठ उपलब्ध झाले आहे. या उपक्रमांतर्गत प्रत्येक महिन्याला उल्लेखनीय कामगिरी करणाऱ्या शिक्षकांचा जिल्हा व तालुका स्तरावर गौरव केला जातो. मार्च महिन्यातील तालुकास्तरीय पोस्ट ऑफ द मंथ विजेते कुमारी प्रीती प्रल्हाद नवघरे आणि जितेंद्र रायपुरे यांना पुरस्कार देऊन नुकतेच सन्मानित करण्यात आले.
यावेळी जिल्हा परिषदेचे अतिरिक्त मुख्य कार्यकारी अधिकारी राजेंद्र भुयार,डायट चे प्राचार्य धनंजय चापले,माध्यमिक शिक्षणाधिकारी बाबासाहेब पवार,प्राथमिक शिक्षणाधिकारी वासुदेव भुसे, ग्लोबल पुरस्कार प्राप्त शिक्षक रणजीतसिंह डिसले, विनोबा ॲप चे जिल्हा समन्वयक गणेश शेंडे व चंदन रापर्तीवार यांची प्रमुख उपस्थिती होती.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
