अहेरी:स्थानिक श्री शंकरराव बेझलवार कला व वाणिज्य महाविद्यालयात करिअर कट्ट्या अंतर्गत “करिअर कट्टा” या फलकाचे अनावरण करताना, अध्यक्ष स्थानावरून महाविद्यालयाचे प्रभारी प्राचार्य डॉक्टर प्रकाश जी. लाभसेटवार सर यांनी आपले मनोगत व्यक्त केले.
महाविद्यालयामध्ये करिअर कट्टा या विभागाच्या वतीने फलकाच्या अनावरनाचे आयोजन दिनांक 10 ऑगस्ट 2023 ला करण्यात आले. याप्रसंगी प्रमुख वक्ते म्हणून इंग्रजी विभाग प्रमुख डॉक्टर रवींद्र हजारे सर यांनी करिअर कट्ट्याच्या उपक्रमा संबंधी विस्तृत विवेचन केले. प्रस्तावना करिअर कट्टा विभाग प्रमुख प्राध्यापक प्रभाकर घोडेस्वार यांनी विद्यार्थ्यांना करिअर कट्टा संदर्भात त्यांची संपूर्ण माहिती दिली.
कार्यक्रमाचे सूत्रसंचालन वाणिज्य विभाग प्रमुख प्राध्यापक अमोल शंभरकर सर यांनी केले,तर आभार प्रदर्शन एनएसएस विभाग प्रमुख प्राध्यापक चंद्रशेखर गौरकार सर यांनी केले. कार्यक्रमामध्ये महाविद्यालयातील प्रा. मंगला बनसोड मॅडम, प्रा. सुहास मेश्राम सर, प्रा. सुनिल गलबले, प्रा. नामदेव पेंदाम सर, प्रा. सुमित मोहुर्ले सर, प्रा. रूपा घोनमोडे मॅडम,प्रा. ज्ञानदीप आवारी सर इत्यादी शिक्षक वृंद व शिक्षकेतर कर्मचारी व बहुसंख्येने विद्यार्थी उपस्थित होते कार्यक्रमाची सांगता राष्ट्रगीताने करण्यात आली.
