गडचिरोली:- उपविभागीय पोलीस अधिकारी कार्यालय अहेरी अंतर्गत येत असलेल्या व्यंकटापूर पोलीस स्टेशन येथे घेण्यात आलेल्या जनजागरण मेळाव्यात गरीब व गरजू नागरिकांना जीवनावश्यक वस्तू सोबतच विविध दाखल्यांचे वितरण करण्यात आले.
30 डिसेंबर शुक्रवारी पोलीस अधीक्षक निलोत्पल,अपर पोलीस अधीक्षक अनुज तारे,अपर पोलीस अधीक्षक कुमार चिंता,अपर पोलीस अधीक्षक यतीन देशमुख तसेच उपविभागीय पोलीस अधिकारी अमोल ठाकूर यांच्या मार्गदर्शनाखाली व्यंकटापूर पोलीस आणि नम्रता फाउंडेशन नागपूर यांच्या संयुक्त विद्यमानातून पोलीस स्टेशन हद्दीतील नागरिकांसाठी भव्य जनजागरण मेळाव्याचे आयोजन करण्यात आले होते.मेळाव्याच्या अध्यक्षस्थानी एसआरपीएफ चे पोलीस निरीक्षक शेंदरे,प्रमुख पाहुणे म्हणून नम्रता फाउंडेशन नागपूरचे पदाधिकारी तसेच येथील सरपंच,उपसरपंच तसेच प्रतिष्ठित नागरिक उपस्थित होते.
मेळाव्यात येथील प्रभारी अधिकारी संजय कुकलारे यांनी पोलीस दादालोरा खिडकीच्या माध्यमातून राबविण्यात येत असलेल्या विविध योजनांची माहिती देतानाच या सर्व कल्याणकारी योजनांचा लाभ घेण्याचे उपस्थितांना आवाहन केले.तर,पोलीस निरीक्षक काळे यांनी लैंगिक अत्याचारापासून संवरक्षण,बालकांच्या संरक्षण कायदा विषयी योग्य मार्गदर्शन केले.या भव्य मेळाव्यात पोलिसांनी 100,आभा कार्ड,27,पॅन कार्ड,65 आधार कार्ड,125 सातबारा,70 आधार व मतदान कार्ड तसेच 3 ई-श्रम कार्ड वाटप केले.या मेळाव्यात पोलीस स्टेशन हद्दीतील जवळपास दोनशे नागरिक उपस्थित होते.सदर जनजागरण मेळाव्याच्या यशस्वीतेसाठी पोलीस उपनिरीक्षक चौधरी व कर्मचार्यांनी परिश्रम घेतले.
*नम्रता फाउंडेशन तर्फे गरजूंना साहित्य वाटप*
येथील मेळाव्यात परिसरातील गरीब आणि गरजू नागरिकांना नम्रता फाउंडेशन नागपूर तर्फे विविध साहित्यांचे वाटप करण्यात आले.यात 50 साड्या,50 लुंगी,50 प्लास्टिक टोपल्या,40 प्लास्टिक बकेट, शालेय विद्यार्थ्यांना 50 पाण्याच्या बाटल्या, 70 नोटबुक,70 मिनी कंपास आधी साहित्य वाटप करण्यात आले. मिळाव्यात गरीब आणि गरजू सोबतच शालेय विद्यार्थ्यांना आवश्यक साहित्य मिळाल्याने त्यांनी समाधान व्यक्त केले.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
