भामरागड :- नागपूर विभागीय पदवीधर मतदारसंघ निवडणूक कार्यक्रम सहा जिल्ह्यांमध्ये पार पडत आहे. गडचिरोली जिल्ह्यातील भामरागड तालुक्यात स्वतंत्र मतदान कक्ष दिल्याने तालुक्यातील पदवीधर मतदारांची मोठी सोय झाली आहे.
भामरागड येथील तहसील कार्यालयाच्या दालनात मतदान कक्ष तयार करण्यात आला आहे. सकाळी 8.00 वाजल्यापासून दुपारी 2.00 वाजेपर्यंत एकूण 62.81 टक्के मतदान झाले आहे.संपूर्ण तालुक्यात एकूण 199 मतदार असून त्यामध्ये 46 महिला तर 153 पुरुष मतदार आहेत.आज दुपारी 2 वाजेपर्यंत एकूण 125 जणांनी मतदान केले असून त्यात 26 महिला आणि 99 पुरुषांचा समावेश आहे.यामध्ये सहाय्यक निवडणूक निर्णय अधिकारी अविशांत पंडा हे असून भामरागड मतदान केंद्राध्यक्ष म्हणून तहसीलदार किशोर बागडे हे काम पाहत आहेत.त्यांचे संपूर्ण मतदान पथक निवडणूक कार्यक्रम राबवत आहे.मतदान कक्षात कायदा व सुव्यवस्था अबाधित राहावी यासाठी पोलिसांचा कडक बंदोबस्त तैनात करण्यात आला आहे.या निवडणुकीत एकूण 38 उमेदवार रिंगणात असून त्यापैकी 6 उमेदवार विविध पक्षांचे आहेत तर उर्वरित सर्व उमेदवार अपक्ष म्हणून निवडणूक लढवत आहेत हे विशेष.
