गडचिरोली:दमदार पावसाने हजेरी लावल्यावर शेतीच्या कामाला सुरुवात झाली आहे. शेतकरी आपल्या शेतात रोवणी करताना दिसून येत आहेत. नुकसानग्रस्त शेतीची पाहणी करण्याकरिता गेलेले अहेरीचे अपर जिल्हाधिकारी विजय भाकरे यांनी भाताची रोवणी आणि त्याआधी शेताची मशागत याचा प्रत्यक्ष अनुभव घेतला. तंत्रज्ञानातील बदल समजून घेऊन शेतकऱ्यांनी आधुनिक पद्धतीचा अवलंब करण्याचे आवाहन त्यांनी केले आहे.अहेरी तालुक्यातील मोदुमतुरा,इंदाराम परिसरात त्यांनी प्रत्यक्ष रोवणी केला. त्यावेळी उपविभागीय कृषी अधिकारी आनंद गंजेवार तालुका कृषी अधिकारी संदेश खरात तसेच कृषी विभागाचे कर्मचारी उपस्थित होते.
इंदाराम येथील एका शेतात त्यांनी कृषी विभागाच्या अधिकाऱ्यांना घेऊन बांधावर पोहोचले. त्या ठिकाणी शेतकऱ्यांशी संवाद साधत माहिती जाणून घेतली. तसेच त्यांनी स्वतः धानाच्या बांधीत उतरून रोप लावणी केली. एवढेच नव्हे तर या ठिकाणी बैलांच्या मदतीने चिखलणी करण्याचे काम सुरू असताना त्यांनी त्याचेही प्रात्यक्षिक करून बघितले. स्वतः अपर जिल्हाधिकारी चिखलात उतरून रोवणी आणि चिखलणी करण्याच्या प्रक्रियेत स्वतः सहभाग घेतल्याने शेतकरी आश्चर्यचकित झाले.
पट्टा पद्धतीने भात लागवड करण्याचे आवाहन
भात शेतीमध्ये पारंपारिक लागवड केली जाते.त्यामुळे दोन रोपा मधलं अंतर कमी असल्याने फुटवे फुटत नाहीत आणि त्यामुळे उत्पादकता कमी येते.पट्टा पद्धतीमध्ये अगदी 30 सेंटीमीटर अंतरावर एक ओळ मध्ये भात रोवणी केली तर पवारणी व्यवस्थित करता येईल आणि तण काढणी देखील सोयीस्कर होईल त्यामुळे पारंपारिक पद्धतीपेक्षा पट्टा पद्धतीमध्ये उत्पादकता जास्त येईल.
-आनंद गंजेवार, उपविभागीय कृषी अधिकारी अहेरी
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
