गडचिरोली: महाराष्ट्र व छत्तीसगड वनविभागाने एटापल्ली वनपरिक्षेत्रात 29 नोव्हेंबरला संयुक्त कारवाई करत वाघाच्या कातडीसह दोघांना ताब्यात घेतले होते. ते सध्या वनकोठडीत आहेत. दरम्यान 30 नोव्हेंबरला या प्रकरणात आणखी दोघांना अटक करण्यात वनविभागाला यश आले आहे. विशेष म्हणजे शव आणि दातही हस्तगत करण्यात आले आहे.
29 नोव्हेंबर रोजी पहाटे तीन वाजता एटापल्ली,जीवनगट्टा मार्गावर मोटरसायकल वरून फिरताना शामराव नरोटे (वासामुंडी) आणि अमजद खान पठाण (एटापल्ली) यांना अटक करून त्यांच्याकडून दुचाकीसह वाघाची कातडी, नखे, तीन मोबाईल असा मुद्देमाल वन विभागाने जप्त केला. वन्यजीव संरक्षण अधिनियम 1972 मधील कलम 9, 39, 48, 49(अ),49(ब) व 50 अन्वये वन गुन्हा नोंदविण्यात आला. 30 नोव्हेंबरला त्यांना न्यायालयाने दोन दिवसांची वनकोठडी सुनावली.
त्यांच्याकडे केलेल्या चौकशीत रामा गावडे व जगन्नाथ मट्टामी यांना 30 नोव्हेंबरला जेरबंद केले. चारही आरोपींनी वाघाच्या हत्येचा कट उलगडला. आरोपींना घेऊन वनाधिकारी घटनास्थळी पोहोचले. तिथे वाघाचे शव आढळले.तर, वाघाचे दात घरातून जप्त करण्यात आले.
ही कारवाई वनसंरक्षक एस रमेश कुमार यांच्या मार्गदर्शनाखाली उपवनसंरक्षक शैलेश मिणा यांच्या नेतृत्वाखाली उदंती सीतानदी टायगर रिझर्व छत्तीसगड वनविभागाचे उपनिदेशक वरून जैन, उपवनसंरक्षक राहुल सिंग तोलिया विभागीय वनाधिकारी गणेश पाटोळे यांच्यासोबत संयुक्तरित्या केली. याप्रकरणी पुढील तपासणी भामरागड चे सहाय्यक वनसंरक्षक अशोक पवार,एटापल्लीचे वनपरिक्षेत्र अधिकारी सीसी भडके पेडीगुडमचे वनपरिक्षेत्राधिकारी भावना अलोने,पी ए जेणेकर व अतिक्रमण निर्मूलन पथक अधिक तपास करीत आहेत.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
