गडचिरोली :- ग्रामसभा प्रशिक्षणाच्या माध्यमातून ग्रामसभांची आर्थिक क्षमता वाढवून गावातच रोजगार निर्मिती करणे व आपल्या ग्रामसभेच्या जंगलाचे संवर्धन व संरक्षण करून गौण वनउपज संकलन व संग्रहण करणे, त्यावर प्रक्रिया करून विपणननाच्या माध्यमातून आपले जीवनमान उंचाविण्यासाठी ग्रामसभा प्रशिक्षण कार्यक्रम महत्वाचा आहे. ग्रामसभा प्रशिक्षण कार्यक्रम आपल्या जीवन जगण्याशी सबंधित प्रशिक्षण आहे. असे प्रतिपादन गोंडवाना विद्यापीठाचे कुलगुरू डॉ. प्रशांत बोकारे यांनी भामरागड येथे आयोजित ग्रामसभा प्रशिक्षणाच्या समारोपीय कार्यक्रमात केले.
ते पुढे म्हणाले की,स्वातंत्र पूर्व काळात ब्रिटिशांनी वेगवेगळ्या कायद्याद्वारे आदिवासींच्या हक्कांवर बंधने आणलीत, त्या विरोधात व स्वातंत्र्यासाठी क्रांतिवीर बाबुराव शेडमाके, भगवान बिरसा मुंडा यांनी आदिवासींच्या हक्कासाठी खूप संघर्ष केला. त्यांचे कार्य आपल्यासाठी प्रेरणादायी आहे. असेही ते म्हणाले .
गोंडवाना विद्यापीठ, गडचिरोली व जिल्हा प्रशासन गडचिरोली यांच्या संयुक्त विद्यमाने लोक सहभागातून ग्रामसभा सक्षमिकरण कार्यक्रम प्रशिक्षणाच्या ४४ व्या बॅचचे भामरागड येथील आदिवासी मुलांचे वसतिगृह येथे सात दिवसीय निवासी प्रशिक्षणाचे आयोजन करण्यात आले होते. या प्रशिक्षणात भामरागड तालुक्यातील मलमपोडूर, इरापनार, कृष्णार, जुव्वी, हितापाडी, कोडपे, मिड्गुरवंचा, भुसेवाडा व तीरकामेठा या ग्रामसभेतील ५२ सदस्यांनी प्रशिक्षण घेतले. सदर सात दिवसीय निवासी प्रशिक्षण कार्यक्रमाचा समारोप नुकताच पार पडला. या सात दिवसीय निवासी प्रशिक्षण कार्यक्रमात पंचायतराज कायदा, पेसा कायदा, सामुहिक वन हक्क कायदा, रोजगार हमी कायदा, जैव विविधता कायदा, गौण वन उपज संकलन, प्रक्रिया व विपणन, वन व्यवस्थापन आराखडा तयार करणे व ग्रामसभांशी सबंधित रेकार्ड आणि अंकेक्षण करणे या विषयांचे मार्गदर्शन करण्यात आले. सात दिवसीय प्रशिक्षणात विजय देठे, राजेश शंभरकर, डॉ. कुंदन दुपारे, डॉ. रुपेन्द्रकुमार गौर, कामेश भोरजोरे, डॉ. सतीश गोगुलवार, डॉ. अमित्त सेटिया आदींनी मार्गदर्शन केले. समारोपीय कार्यक्रमाला गोंडवाना विद्यापीठाचे वित्त व लेखा अधिकारी भास्कर पठारे, प्राचार्य डॉ.लाड उपस्थित होते, कार्यक्रमाचे संचालन ग्रामसभा सहयोगी मित्र रमेश गावडे तर आभार प्रशिक्षण कार्यक्रमाचे समन्वयक डॉ. नरेश मडावी यांनी मानले.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
