लहान (आर्वी)/ वर्धा :- स्थानिक लहान आर्वी येथे दरवर्षीप्रमाणे दीपावली पाडव्याला मातृसेवा समितीचा सहावा वर्धापनदिन मोठ्या उत्साहात पार पडला. कार्यक्रमाच्या अध्यक्षस्थानी सेवानिवृत्त केंद्रप्रमुख शोभा गावनेर तर प्रमुख पाहुणे अमरावती शहर गाडगेनगर पोलिस स्टेशनचे पीएसआय अजय ढाकुलकर, लहान आर्वी ग्रामपंचायतचे नवनिर्वाचित सरपंच सुनील साबळे, मातृसेवा समितीचे अध्यक्ष प्रीतम गायकी, जि. प. शाळेचे मुख्याध्यापक मोहन खारकर आणि सहाय्यक शिक्षिका वर्षा आकोलकर आदी मान्यवर मंचावर उपस्थित होते.
यावेळी यावर्षीचा मातृसेवा शिक्षक सन्मान वर्षा आकोलकर यांना बहाल करण्यात आला. सुनील साबळे यांनी पुन्हा सरपंचपद प्राप्त केल्याबद्दल, आजपर्यंत गावासाठी केलेल्या कार्यासाठी त्यांना ग्रामभूषण सन्मान बहाल करण्यात आला. सोबतच शासकीय सेवेत प्रवेश केल्याबददल छत्रपती रामरावजी होले यांना सन्मानित करण्यात आले. मातृसेवा शिष्यवृत्ती दहावीत गावातून प्रथम आलेल्या स्वरूप गजानन देशमुख व बारावीत प्रथम मंथन विजय होले यांचा सत्कार करण्यात आला. सर्व शालेय विद्यार्थ्यांना बचतीची सवय लागावी म्हणून मनिबँक भेट करण्यात आली. सर्व नवनिर्वाचित ग्रामपंचायत सदस्य मारोती उईके, अमोल होले, सागर नागापुरे, ज्योती गायकी, कुसुम सरदार, कांता इंगोले, सोनाली राऊत, भाग्यश्री निंभोरकर, रेश्मा माथने यांचा गावाच्या वतीने सत्कार करण्यात आला. शेवटी मागील एक वर्षात गावातील मरण पावलेल्या सर्व व्यक्तींना सामूहिकपणे भावपूर्ण श्रद्धांजली अर्पण करण्यात आली. कार्यक्रमाचे संचालन अंकुश गाडगे यांनी तर प्रास्ताविक मातुसेवा समितीचे संस्थापक विजय ढाकुलकर यांनी केले. आभार किशोर देशमुख यांनी मानले. कार्यक्रमाच्या यशस्वी करण्यासाठी नंदकिशोर कनेर, सुधाकर मख, आनंद पंचगडे, मनोज मख, अविनाश ढाकुलकर यांनी विशेष प्रयत्न केले.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
