गोंडपिपरी:- आज दि.१२(रविवारी) ना.सुधीर मुनगंटीवार यांच्या उपस्थितीतीत राजुरा येथील कार्यक्रमात कॉंग्रेसचे स्वीकृत नगरसेवक राकेश पुन यांनी भाजपात प्रवेश करत घरवापसी केल्याने तालुक्यातील राजकीय क्षेत्रात खळबळ उडाली आहे.
भाजपा राजुरा विधानसभा अध्यक्ष पदाची जबाबदारी माजी जी प अध्यक्ष देवराव भोंगळे यांच्याकडे आली.त्यांच्या जनसंपर्क कार्यालयाचे उदघाटन राजुऱ्यात आज थाटामाटात शक्तिप्रदर्शन करीत देवराव भोंगळे यांनी केले.यावेळी ना.सुधीर मुनगंटीवार यांची प्रमुख उपस्थिती होती.या दरम्यान आयोजित सभेत काँग्रेसचे स्वीकृत नगरसेवक राकेश पुन यांनी शेकडो समर्थकांसह भाजपात प्रवेश केल्याने भाजपच्या गटात नवचैत्यन निर्माण झाले असून काँग्रेस मध्ये मोठी खिंडार पडली आहे.राकेश पुन यांच्या मागे तालुक्यातील मोठा युवा वर्ग सोबत असल्याने भाजपला येणाऱ्या जी प,पं समिती निवडणुकीत भाजपला मोठा फायदा होईल असे मत सहयाद्री राखणदार च्या प्रतिनिधीशी बोलताना तालुका अध्यक्ष बबन निकोडे यांनी व्यक्त केला.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
