वरोरा :- चंद्रपूर जिल्हा बास्केटबॉल समिती आणि शारीरिक शिक्षण व क्रीडा विभाग आनंद निकेतन महाविद्यालय, वरोरा यांच्या संयुक्त विद्यमानाने जिल्हा स्तरीय बास्केटबॉल स्पर्धेचे दि.25 आणि 26 तारखेला आनंद निकेतन महाविद्यालयाच्या मैदानावर आयोजन करण्यात आले होते. या स्पर्धेच्या उद्घाटन कार्यक्रमाप्रसंगी अध्यक्ष म्हणून महाविद्यालयाचे प्राचार्य डॉ. मृणाल काळे तसेच प्रमुख पाहुणे म्हणून शारीरिक शिक्षण व क्रीडा विभाग प्रमुख प्रा.तानाजी बायस्कर उपस्थित होते
या स्पर्धा दोन वयोगटांमध्ये घेण्यात आल्या होत्या त्यामध्ये 18 वर्षाखालील (मुले,मुली) आणि 18 वर्षावरील (मुले ,मुली).18 वर्षा खालील मुले या वयोगटांमध्ये एसबीऐ वॉरीअर सिंदेवाही या संघाने प्रथम क्रमांक पटकावला तर एसबीऐ ऑल स्टार ज्युनिअर सिंदेवाही या संघाने द्वितीय क्रमांक पटकावला. 18 वर्षाखालील मुली या वयोगटामध्ये एसबीऐ वॉरीअर सिंदेवाही या संघाने प्रथम क्रमांक पटकावला तसेच सीबीए
गर्ल्स,चंद्रपूर यांनी द्वितीय क्रमांक पटकावला. त्याचप्रमाणे वरिष्ठ गट मुलांमध्ये सीबीए टायगर, चंद्रपूर या संघाने प्रथम क्रमांक पटकावला तसेच आनंद निकेतन महाविद्यालय, आनंदवन या संघाने द्वितीय क्रमांक पटकावला. वरिष्ठ गट मुलींमध्ये एसबीऐ ऑल स्टार ज्युनिअर सिंदेवाही या संघाने प्रथम क्रमांक पटकावला तसेच आनंद निकेतन महाविद्यालय, आनंदवन या संघाने द्वितीय क्रमांक पटकावला.संपूर्ण संघाच्या खेळाडूंनी आपल्या खेळाचे उत्कृष्ट प्रदर्शन केले.या संपूर्ण स्पर्धेमध्ये एकूण 17 संघातील 68 खेळाडूंनी आपला सहभाग नोंदवला.
या स्पर्धेचे पंच म्हणून मार्टिन, प्रणव शर्मा, दाईमाई, अल्बम संगमा यांनी जबाबदारीने आपली भूमिका बजावली.या संपूर्ण स्पर्धेचे आयोजन महाविद्यालयाचा राष्ट्रीय खेळाडू गणराज हेपट याच्या नेतृत्वाखाली प्रा.तानाजी बायस्कर यांच्या मार्गदर्शनाखाली संपूर्ण खेळाडूंनी केले.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
