मुलचेरा:- राष्ट्रवादी महिला काँग्रेसच्या नागपूर विभागीय अध्यक्ष तथा जिल्हाध्यक्ष शाहीन हकीम यांनी बुधवारी मुलचेरा तालुका राष्ट्रवादी महिला काँग्रेसचा आढावा घेतला.
स्थानिक नेताजी सुभाषचंद्र महाविद्यालयात आढावा सभेचे आयोजन करण्यात आले होते.
यावेळी त्यांनी पक्षातील पदाधिकारी व कार्यकर्त्यांशी संवाद साधून आगामी निवडणुकांसंदर्भातही चर्चा केले.येत्या काळात आपल्याला स्थानिक स्वराज्य संस्थांच्या निवडणुकांना सामोरे जावे लागणार आहे. त्या दृष्टीने तयारी करून आगामी जिल्हा परिषद, पंचायत समिती व इतर सहकारी संस्थांवर जास्तीत जास्त उमेदवार हे राष्ट्रवादी काँग्रेस पार्टीचे निवडून येण्यासाठी नियोजन करण्याचे आवाहन केले.
एवढेच नव्हेतर राष्ट्रवादी काँग्रेस पार्टीचे सर्वेसर्वा राष्ट्रीय अध्यक्ष शरदचंद्र पवार यांचे विचार शेवटच्या घरापर्यंत पोहोचविण्यासाठी पक्ष संघटन मजबूत करा,सभासद नोंदणी व बूथ कमिटीवर भर द्या असेही त्यांनी आवाहन केले.यावेळी राष्ट्रवादी काँग्रेसचे मुलचेरा तालुका अध्यक्ष युधिष्ठिर बिश्वास,ओबीसी सेल चे जिल्हाध्यक्ष प्रा.विठ्ठल निखुले, राष्ट्रवादी महिला काँग्रेसचे तालुका अध्यक्ष ममता बिश्वास,ग्रा प सदस्य प्रतिमा डोर्लीकर,जिल्हा सरचिटणीस शिखा सरकार,लीला हलदर, बसंती दास,ग्रा प सदस्य आम्रपाली दुर्गे आदी पदाधिकारी व कार्यकर्ते उपस्थित होते.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
