– स्व.श्रीनिवास शिंदे मेमोरियल रविंद्र शिंदे चॅरिटेबल ट्रस्टचा एक हात मदतीचा –
भद्रावती = तालुक्यातील मुधोली येथील तरुण शेतकरी कैलास भाऊराव दडमल ३५ वर्षे यांनी शेतातील सततची नापिकी, वाढलेले कर्ज आणि जंगली प्राण्यामुळे होणारे शेत पिकांचे नुकसान यामुळे दि. २० आँक्टोंबर रोजी शेतात विष प्राशन करुन आत्महत्या केली. त्याच्यावर जिल्हा मध्यवर्ती सहकारी बँक चंद्रपूर चे कर्ज होते.
आज दि. २२ रोजी सामाजिक कार्यकर्ते रविंद्र शिंदे यांच्या सांत्वनपर भेटीने मुधोलीचे दडमल कुटुंबिय अक्षरश : गहिवरले. अवघ्या पस्तीस वर्षाचा कमावता पुरुष अचानक अशा प्रकारे निघुन गेल्याने संपूर्ण दडमल कुटूंबियांवर दुःखाचा डोंगर कोसळला. याप्रसंगी रविंद्र शिंदे यांनी स्व.श्रीनिवास शिंदे मेमोरियल रवींद्र शिंदे चॅरिटेबल ट्रस्ट चंद्रपूरच्या वतीने एक हात मदतीचा उपक्रमांतर्गत दडमल कुटुंबियांना आर्थीक मदत केली.
याप्रसंगी कैलासची आई भागेरथाबाई, पत्नी मंगला, भाऊ विठ्ठल, विवाहित बहिणी माया, मंगला व अनुसया , भाऊजी बबन घरत , केशव गराटे व भास्कर वाकडे तसेच काका वासुदेव दडमल उपस्थित होते. कैलासची आठवण आणि सामाजिक कार्यकर्ते रविंद्र शिंदे यांनी दाखविलेली सांत्वना तसेच आर्थीक मदत यामुळे संपूर्ण दडमल कुटूंब गहिवरले . या भावनाशील प्रसंगी सर्व उपस्थीतांचे डोळे अक्षरश : पाणावले.
आज दि. २२ ऑक्टोंबर रोजी स्व.श्रीनिवास शिंदे मेमोरियल रवींद्र शिंदे चॅरिटेबल ट्रस्ट चंद्रपूरचे संस्थापक अध्यक्ष तथा जिल्हा मध्यवर्ती सहकारी बँकेचे संचालक रविंद्र शिंदे आष्टा येथे क्रिकेट सामन्याच्या उद्घाटन कार्यक्रमाला गेले होते. त्यावेळी मुधोलीचे सरपंच बंडू पा. नन्नावरे यांनी कैलास दडमल यांच्या आत्महत्या विषयीची माहिती रविंद्र शिंदे यांना दिली. रविंद्र शिंदे यांनी यानंतर दडमल कुटुंबियांची प्रत्यक्ष भेट घेतली.याप्रसंगी तुळशीराम श्रीरामे, बंडू पा नन्नावरे, मारोती गायकवाड, पंडित पाटील कुरेकार, शंकरराव गायकवाड , सोमेश्वर पेदांम व गावकरी मडळी आणि आप्त परिवार यांची उपस्थित होती.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
