गडचिरोली: वडसा वनविभागातील वडसा वनपरीक्षेत्र अंतर्गत वावरत असलेला आणि मानवी जिवीतास धोकादायक ठरलेला नर वाघ CT-1 यास जेरबंद करण्यास अखेर वन विभागाला यश आले आहे.
तज्ञांच्या उपस्थितीत व पर्यावरण व वन मंत्रालय,भारत सरकार यांचे मार्गदर्शक सुचनेत नमुद केल्यानुसार त्यास बेशुध्द करुन बंदीस्त करण्यास दिनांक 31 ऑक्टोबर 2022 पर्यंत मुदतवाढ देण्यात आली होती. CT-1 (नर) वाघामुळे वडसा वनविभागात 6, भंडारा वनविभागात 4 व ब्रम्हपुरी वनविभागात 3 असे एकूण 13 मानवी मृत्यु झाले होते.
सदर वाघास जेरबंद करण्यासाठी प्रधान मुख्य वनसंरक्षक (वन्यजीव) तथा मुख्य वन्यजीव रक्षक,नागपूर यांच्या अध्यक्षतेखाली दिनांक 4 ऑक्टोंबर 2022 रोजी वनभवन येथे बैठक होवून CT-1 वाघास जेरबंद करण्यास सुचना देण्यात आल्या होत्या. वन्यजीव विभागाचे प्रधान मुख्य वनसंरक्षक महिप गुप्ता यांनी तात्काळ दखल घेवून गडचिरोली, चंद्रपूर, नागपूर या वनवृत्ताच्या मुख्य वनसंरक्षकांना व ताडोबा व्याघ्र प्रकल्पाचे क्षेत्र संचालक डॉ. जितेंद्र रामगावकर यांना समन्वयकाची जबादारी देवून युध्द पातळीवर प्रयत्न करून CT- 1 वाघाला जेरबंद करण्याचे निर्देश दिले होते.
सदर सुचनानुसार ताडोबा व्याघ्र शिघ्र बचाव दल,RRT चंद्रपूर,नवेगाव नागझीरा व्याघ्र शिघ्र बचाव दल RRT,आणि अमरावती प्रादेशिक शिघ्र बचाव दल RRT वाघाला पकडण्यासाठी युध्द पातळीवर प्रयत्न करीत होते. मोहिमेमध्ये वनविभागाने RRT वाहने,All Tarrain Vehicle,Real Time Monitoring System,Trap Net,Aluminium Machan,बंकर केज इत्यादी साधनांचा उपयोग करण्यात आला. दिनांक 12 ऑक्टोंबर 2022 रोजी देसाइगंज लगत वळुमाता प्रक्षेत्रात या वाघाने गाईला ठार केले होते.त्याशिकारी जवळच वनविभागाच्या चमुने दुसरे बेट (सावज) बांधून सदर वाघास आकर्षित केले.आणि रात्रभर वाघावर बंकर केज मध्ये बसून पाळत ठेवली. अखेर दिनांक 13 ऑक्टोंबर 2022 रोजी सकाळी हा वाघ मारलेल्या शिकारीजवळ आला व बंकर केज मध्ये तैनात डॉ.आर. एस. खोब्रागडे,पशुवैद्यकिय अधिकारी वन्यजीव तथा RRT प्रमुख,ए. सी. मराठे, पोलिस नाईक (शॉर्पशुटर), राकेश अहुजा, बॉयोलाजीस्ट व त्यांच्या इतर टिम सदस्यांनी तात्काळ बंदुकीतून डॉर्ट मारून वाघाला बेशुंध्द केले व वडसा वनविभागाच्या इतर कर्मचाऱ्यांनी वाघ शुध्दीवर येण्यापुर्वी कोणतीही इजा न होता पिंजऱ्यामध्ये जेरबंद करण्यात आले.
घटनेची माहिती मिळताच वनसंरक्षक,गडचिरोली यांनी भेट देवून जेरबंद वाघाला गोरेवाडा येथे पाठविण्याबाबत प्रधान मुख्य वनसंरक्षक (वन्यजीव) तसेच क्षेत्र संचालक, ताडोबा-अंधारी व्याघ्र प्रकल्प यांचेशी चर्चा करून कार्यवाही केली. CT-1 वाघाने डिसेंबर 2021 पासून आतापर्यंत एकुण 13 लोकांचा बळी घेतल्यामुळे स्थानिक लोकांमध्ये या वाघाबद्दल रोष निर्माण झाला होता. लोकप्रतिनिधी व्दारे त्याला तात्काळ जेरबंद करण्याची मागणी होत होती.क्षेत्रीय स्तरावर गडचिरोलीचे वनसंरक्षक डॉ.किशोर मानकर,वडसा उपवनसंरक्षक धर्मवीर सालविठ्ठल, सहाय्यक वनसंरक्षक मनोज चव्हाण,धनंजय वायभासे,अविनाश मेश्राम,विजय धांडे,व त्यांचे सर्व सहकाऱ्यांनी मागिल 8 दिवसापासून अथक परिश्रम घेवून 13 नरबळी घेणाऱ्या CT-1 वाघाला जेरबंद करण्यात यश मिळविलेले आहे. याबद्दल प्रधान मुख्य वनसंरक्षक, (वन्यजीव) महिप गुप्ता यांनी सर्व टिम चे अभिनंदन केले आहे. या यशामुळे वाघांच्या हल्ल्यात मनुष्य बळी कमी होईल अशी अपेक्षा जनमानसात झाली आहे.CT-1 वाघाला जेरबंद केले तरी वडसा व गडचिरोली वनविभागामध्ये इतर वाघांचा वावर असल्यामुळे लोंकांनी जंगलात जाण्याचे टाळावे, असे आवाहन डॉ.किशोर मानकर, धर्मवीर सालविठ्ठल यांनी केले आहे.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
