गडचिरोली:- जिल्ह्यातील आष्टी ते आलापल्ली राष्ट्रीय महामार्ग क्रमांक 353 C वर असलेल्या खड्डड्यांमुळे वाहतुकीचा खोळंबा होत असून प्रवाशांचे हाल होत आहेत.
गडचिरोली जिल्ह्यातील अहेरी उपविभागातील सिरोंचा, भामरागड, एटापली, मुलचेरा आणि अहेरी तालुक्यातील नागरिकांना गडचिरोली आणि चंद्रपूर जाण्यासाठी अल्लापल्ली ते आष्टी हा एकमेव राष्ट्रीय मार्ग असून या महामार्गावर खड्ड्यांचा साम्राज्य निर्माण झाल्याने नागरिकांना अनेक समस्यांना तोंड द्यावे लागत आहे. सध्या पावसाळा सुरू असल्याने या महामार्गावरील खड्ड्यात पाणी साचल्याने अपघाताचे प्रमाण सुद्धा वाढले आहे. मागील एक वर्षापासून या महामार्गावरील खड्डे बुजवण्याची मागणी होत असूनही प्रशासनाचे दुर्लक्ष होत आहे.
या महामार्गावर नेहमीच रहदारी असते. मागील दोन वर्षापासून सुरजागड येथील लोह खदानीमुळे शेकडो वाहने दिवस-रात्र या महामार्गावर धावत आहेत.जड वाहनांनी या महामार्गाची वाट लावली आहे. खड्डे बुजविण्याकडे प्रशासनाचे अक्षरशः दुर्लक्ष होत आहे.परिणामी साईड देण्याच्या नादात रस्त्याच्या कडेला आणि मुख्य रस्त्यावरही वाहने अडकल्याने वारंवार वाहतुक ठप्प होत आहे. एसटी महामंडळाच्या बसने प्रवास करणारे असो किंव्हा खाजगी वाहनधारकांना जीव धोक्यात टाकून प्रवास करावा लागत आहे.
आज 6 ऑगस्ट रोजी या परिसरात पावसाने पुन्हा हजेरी लावल्याने रस्त्यावरील खड्ड्यात पाणी साचला. शिवाय एटापल्ली तालुक्यातील सुरजागडचा कच्चा माल वाहतूक करणारे शेकडो वाहनांच्या गर्दीमुळे अहेरीकडे येणारी बस या ठिकाणी अडकली.बस एका बाजूने रस्त्याच्या कडेला फसल्याने प्रवाश्यांना बाहेर पडता आले नाही. परिणामी आपतकालीन मार्गाने प्रवाश्यांना बाहेर काढावे लागले.काही तास वाहतूक ठप्प झाल्याने दोन्ही बाजुंनी मोठ्या प्रमाणात वाहनांची रांग लागली होती.त्यामुळे नागरिकांचे मोठे हाल झाल्याचे दिसून आले. या राष्ट्रीय महामार्गावर मोठ्या प्रमाणात रहदारी वाढली आहे. मात्र,सध्या हा रस्ता जड वाहनांसाठीच नव्हे तर सर्वसाधारण वाहनासाठीही धोक्याचा ठरत आहे. अशा परिस्थितीतही सदर रस्त्यावरील खड्डे बुजविण्याकडे प्रशासनाचे दुर्लक्ष होत असल्याने नागरिकांमधून प्रचंड रोष व्यक्त केला जात आहे.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
