वरोरा :- २६ जुलै १९९९ रोजी अत्यंत प्रतिकूल परिस्थितीत पाकिस्तान सैन्याला नेस्तनाबुत करून भारतीय सैनिकांनी विजय संपादन केल्याचा दिन म्हणजे कारगिल विजय दिन. .देशाच्या या सीमांचे रक्षण करणाऱ्या सैनिकांविषयी कृतज्ञता व्यक्त करण्यासाठी वरोरा येथील एअरबॉर्न ट्रेनिंग स्कूल , माजी सैनिक संघटना , पैगाम साहित्य मंच व योगी अरविंद बहुउद्देशीय संस्था यांच्या संयुक्त विद्यमाने वरोरा येथे कारगिल विजय दिन साजरा करण्यात आला.
. सदर कार्यक्रमाचे आयोजन दोन सत्रात करण्यात आले होते. सकाळी शहीद चौक येथे अमर जवानांच्या स्तंभास रीत चढवून ज्योत प्रकाशित करून श्रद्धांजली वाहण्यात आली. या कार्यक्रमाला अध्यक्ष म्हणून ऑननरी कॅप्टन वामन निब्रड (माजी सैनिक), कार्यक्रमाचे प्रमुख पाहुणे म्हणून उपविभागीय अधिकारी सुभाष शिंदे , आनंदवन कृषी महाविद्यालयाचे प्राचार्य डॉ . सुहास पोतदार, आनंद निकेतन महाविद्यालयाचे प्राचार्य डॉ . मृणाल काळे , लोकमान्य कनिष्ठ महाविद्यालयाचे प्राचार्य.जयंत बंडावार हे व्यासपीठावर उपस्थित होते.या वेळी मान्यवरांनी कारगिल युद्धाच्या स्मृतींना उजाळा दिला व सर्व उपस्थितांनी जवानांच्या शौर्याला सलाम केला . यावेळी आनंद निकेतन महाविद्यालयाच्या एन सी सी कॅडेट ने पथसंचलन केले.
कार्यक्रमाचे दुसरे सत्र स्थानिक कटारिया ,मंगल कार्यालय येथे घेण्यात आले. यावेळी आनंदवन येथील दिव्यांग मुलांनी देशभक्ती पर गीतावर समूह व एकल नृत्य सादर केले. या कार्यक्रमाला अध्यक्ष म्हणून ऑननरी कॅप्टन वामन निब्रड तर उदघाटक म्हणून उपविभागीय पोलीस अधिकारी आयुष्य नोपानी (आय पी एस ) प्रमुख अतिथी म्हणून आनंदवन कृषी महाविद्यालयाचे प्राचार्य डॉ. सुहास पोतदार, दालमिया सिमेंट ग्रुपचे सुनील भुसारी , पैगाम साहित्य मंचाचे अध्यक्ष ॲड. मोरेश्वर टेमुर्डे हे मंचावर उपस्थित होते. या कार्यक्रमाचे वैशिट्य म्हणजे शाहिद जवानांच्या पत्नींचा वीररानी म्हणून सत्कार करण्यात आला तसेच वरोरा तालुक्याचे नाव क्रीडा क्षेत्रात चमकविणाऱ्या खेळाडूंचा सत्कार करण्यात आला . आय.य.एस झाल्या बद्दल आदित्य जीवने यांच्या आई वडिलांचा सत्कार यावेळी करण्यात आला. रोटेरियन अदनान सिद्दीकोट व त्यांच्या चमूने देशभक्ती पर गीत गायन केले. या कार्यक्रमाच्या यशस्वितेकरिता एअरबॉर्न ट्रेनिंग स्कूल , माजी सैनिक संघटना , पैगाम साहित्य मंच व योगी अरविंद बहुउद्देशीय संस्थेच्या सदस्यांनी अथक परिश्रम घेतले . कार्यक्रमाची सांगता स्नेहभोजनाने झाली .
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
