गडचिरोली:-वाघ आणि बिबट्याच्या झुंजीत बिबट्या ठार झाल्याची घटना आज २६ जुन रोजी सकाळच्या सुमारास गडचिरोली शहरापासून जवळच असलेल्या वाकडी येथील आरोग्य केंद्राच्या मागिल जंगलात घडली. सेमाना- वाकडी परिसरात वाघ आणि बिबट्यांचा संचार असून शनिवारी रात्रीच्या सुमारास वाघ आणि बिबटयाच्या झुंजीत बिबट ठार झाल्याची माहिती सुत्रांकडून प्राप्त झाली आहे. या झुंजीत वाघ सुध्दा जखमी झाला असावा, असा अंदाज वनविभागाने व्यक्त केला आहे.
वनविभागाकडून प्राप्त माहितीनुसार गडचिरोली वनपरिक्षेत्रातील गडचिरोली बिटातील कक्ष क्र. १७१ मध्ये बिबट मृतावस्थेत असल्याचे गस्तीवर असलेल्या वनकर्मचाऱ्यास आढळून आले. सदर घटनेची माहिती उपवनसंरक्षक मिलीश दत्त शर्मा यांना मिळाल्यानंतर त्यांच्या मार्गदर्शनाखाली सहाय्यक वनसंरक्षक सोनल भडके, वनपरिक्षेत्रधिकारी अरविंद पेंदाम, क्षेत्रसहाय्यक श्रीकांत नवघरे, वनरक्षक राठोड, भसारकर, हेमके आणि वाघ संनियंत्रक पथकाने घटनास्थळी जाऊन पाहणी केली. मृत बिबटयाच्या शरिरावर गंभिर स्वरूपाच्या जखमा आढळून आल्या. तसेच आजुबाजूच्या परिसरात पट्टेदार वाघाच्या पाउुलखुणा आढळून आल्या. यावरून पट्टेदार वाघ आणि बिबट यांच्यामध्ये झुंज झाल्याचे निशान दिसून आले. मृत बिबट अंदाजे ७ वर्षाचे होते.
बिबट्याचे शवविच्छेदन करतांना पशूधन विकास अधिकारी डॉ. चेतन नंदनवार व डॉ. सिरणकर उपस्थित होते. सदर संपुर्ण कार्यवाहीत वन्यजीव मानद रक्षक मिलींद उमरे, वन्यजीव प्रेमी अजय कुकडकर, वाकडीचे सरपंच सरिता चौधरी, पोलीस पाटील देवेंद्र वाकडे उपस्थित होते. मृत बिबटयाचे शवविच्छेदन करून मृतदेह अग्नी देऊन नष्ट करण्यात आला.
आवाहन—–
वाकडी सेमाना जंगल परिसरात वाघाचा संचार असून नागरिाकंनी जंगलात जाऊ नये तसेच पाळीव प्राणी सुध्दा जंगलात नेऊ नये, असे आवाहन वन विभागाने केले आहे.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
