गडचिरोली: बोगस बीटी कापूस बियाण्यांची साठवणूक करून लागवड व विक्री करणाऱ्या बंदुकपल्ली येथील अँटलू श्रीनिवास राव याच्याविरुद्ध गुन्हा दाखल करण्यात आला. तालुका गुणवत्ता नियंत्रण निरीक्षक यांच्या पथकाने धाड टाकून महाराष्ट्र राज्यात विक्रीस बंद असलेले कापूस बियाणे ६९ हजार ४०६ किमतीचे जप्त केले. या कारवाईमुळे बोगस बियाणे साठवणूक व विक्री करणाऱ्यांमध्ये खळबळ उडाली आहे.
मुलचेरा तालुक्यातील बंदुकपल्ली गावात अँटलू श्रीनिवास राव या इसमाने बोगस व प्रतिबंधीत कापूस बियाण्यांची साठवणूक करून लागवड व विक्री करीत असल्याची गुप्त माहिती तालुका गुणवत्ता नियंत्रक निरीक्षक विकास पाटील यांना मिळाली होती. विकास पाटील यांनी आपल्या व पोलीस पथकासह राव याच्या घरावर धाड टाकली असता बोगस बीटी कापसाचे बियाणे विनापरवाना आढळून आले.
तालुका कृषी अधिकारी व पोलीस पथकाने राघवा या जातीचे ४५० ग्रॅम वजनाचे २८ पॉकीट, अरुणोदय जातीचे ४५० ग्रॅम वजनाचे ३ चॉफीट, ॲडवान्स ३३३ या जातीचे ४५० ग्रॅम वजनाचे १४ पॉकीट, काव्या जातीचे २ पॉकीट तसेच खुल्या बॅगमध्ये १६ किलो एवढे ६९ हजार ४०६ किमतीचे बोगस बियाणे जप्त केले. तालुका गुणवत्ता नियंत्रक निरीक्षक विकास पाटील यांच्या फिर्यादीवरून आरोपीविरुद्ध मुलचेरा पोलीस ठाण्यात बियाणे नियम १९६६, बियाणे नियंत्रण आदेश १९८३, महाराष्ट्र कापुस बियाणे कायदा २००९, पर्यावरण कायदा १९८६, भादंवि कलम ४२०, ३४ प्रमाणे गुन्हा दाखल करण्यात आला. ही कारवाई तालुका गुणवत्ता नियंत्रक निरीक्षक विकास पाटील, प्रभारी पोलीस निरीक्षक अशोक भापकर, कृषी साहाय्यक कनिष्क वाघमारे, पोलीस शिपाई अभिजीत गावडे, पोलीस शिपाई रोशन पोहनकर यांनी केली. पाडली .
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
