चंद्रपूर:- (सोमनाथ श्रमसंस्कार छावणीतून) सूरज घुमे :-“विचारांचा शाश्वत विकास तरुण पिढीने स्वतःमध्ये उजळून देशाला समोर नेण्यात पुढाकार घ्यावा. देशाला बाबांच्या ‘आंतरभारती भारत जोडो’ संकल्पना राबविण्याची गरज आहे.” असे उद्गार महारोगी सेवा समिती वरोरा चे सचिव डॉ. विकास आमटे यांनी काढले. ते महारोगी सेवा समिती वरोरा द्वारा आयोजित ‘आंतरभारती- भारत जोडो’ श्रमसंस्कार छावणीत उद्घाटन करताना बोलत होते.
यावेळी मंचावर लातूर येथील सेवानिवृत्त प्राचार्य डॉ. सोमनाथ रोडे, महारोगी सेवा समिती आनंदवनचे विश्वस्त अरुण कदम, सुधाकर कडू, शकील पटेल,भारत जोडो सहयात्री डॉ. सुधाकर बेलखोडे, गिरीश पद्मावार, दगडू लोमटे, पल्लवी कौस्तुभ आमटे इत्यादी मान्यवरांची प्रामुख्याने उपस्थित होती. पुढे बोलताना डॉ.विकास आमटे यांनी मुरलीधर देवीदास आमटे ते बाबा आमटे असा बाबांचा जीवनपट शिबिरार्थींसमोर उलगडला आणि चळवळींची व प्रकल्पांची माहिती. यातून बाबा आमटे यांचे व्यक्तिमत्व उलगडून दाखविण्याचे काम डॉ. आमटे यांनी केले. आपल्या भाषणात त्यांनी शिबिरार्थीचे स्वागत आणि कौतुक करताना ते म्हणाले, “दोन वर्षाच्या कोरोनाच्या महामारीनंतर सगळ्यांचा उन्हाळ्याच्या सुट्टीत थंड हवेच्या हिलस्टेशनकडे जाण्याचा कल असताना तुम्ही ४५ ते ४८ डिग्री तापमानात सोमनाथसारख्या अशा जंगलात येऊन बाबांचे विचार घेण्याचा प्रयत्न करतात, ही कौतुकास्पद बाब आहे. तुम्ही विशेष आहात.या शब्दात शिबिरार्थींच त्यांनी कौतुक केले. यावेळी त्यांनी आनंदवनचा पूर्व इतिहास व भावी नियोजनाबद्दल माहिती दिली.ध्वजारोहण करून उद्घाटन करण्यात आलेली ही छावणी 15 ते 22 मे,2022 या कालावधीत पार पडणार आहे. या छावणी भारतभरातून आलेल्या 350 हून अधिक शिबिरार्थींनी भाग घेतला. शिबिरार्थींनी उत्साहवर्धक गितांतून व श्रमदानातून दिवसाची सुरुवात केली. कौस्तुभ आमटे व पल्लवी आमटे यांच्या नेतृत्वाखाली सुरू असलेल्या या शिबिराचे संयोजन रविंद्र नलगिंटवार यांनी केले.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
