रत्नाकर चटप यांचे ३१ मे पर्यंत उपोषण स्थगित
चंद्रपूर :कोरपना तालुक्यातील बहुप्रतिक्षित नांदा प्राथमिक आरोग्य केंद्राचे लोकार्पण व्हावे म्हणून अखिल भारतीय सरपंच परिषदेचे जिल्हा सचिव रत्नाकर चटप हे सातत्याने प्रयत्नरत आहेत. नांदा ग्रामपंचायतीने प्राथमिक आरोग्य केंद्राला जागा उपलब्ध करून दिल्यानंतर तत्कालीन पालकमंत्री सुधीर मुनगंटीवार यांचे निधीतून प्राथमिक आरोग्य केंद्र मंजूर झाले. इमारत बांधकाम व पदभरती प्रक्रिया पूर्ण झालेली असूनही अद्याप लोकार्पण न झाल्याने नागरिकांत रोष आहे. रत्नाकर चटप यांनी आक्रमक भूमिका घेत आरोग्य मंत्री, जिल्हा आरोग्य अधिकारी व तालुका आरोग्य अधिकारी आदिंशी पत्रव्यवहार केला. मात्र ठोस पाऊले उचलली जात नसल्याने अखेर त्यांनी १७ मे पासून बेमुदत उपोषण करण्याचे ठरविले. अखेर प्रशासनाला जाग आली असून जिल्हा आरोग्य अधिकारी यांनी लवकरात लवकर आरोग्य केंद्र लोकार्पण केले जाईल असे लेखी दिले. मात्र लोकार्पणाची नेमकी तारीख कळल्याशिवाय उपोषण मागे घेणार नाही असा निर्धार रत्नाकर चटप यांनी केला. अखेर मुख्य कार्यकारी अधिकारी मिताली सेट्ठी यांचेशी अखिल भारतीय सरपंच परिषद महासचिव रत्नाकर चटप, तालुका आरोग्य अधिकारी डॉ. स्वप्नील टेंभे यांची बैठक पार पडली. या बैठकीत ३१ मे पर्यंत लोकार्पणाची नेमकी तारीख सांगितली जाईल व लवकरात लवकर आरोग्य केंद्र सुरू केले जाईल अशी ग्वाही मुख्य कार्यकारी अधिकारी डॉ. मिताली सेट्टी यांनी दिली.
मंत्रालयीन स्तरावरील अधिकाऱ्यांशी वार्तालाप करून तातडीने लोकार्पण प्रस्ताव मंजूर करावा म्हणून मुख्य कार्यकारी अधिकारी यांनी लक्ष वेधत ३१ मे पर्यंत उपोषण स्थगित करण्यास सांगितले. तूर्तास उपोषणाला स्थगिती दिली आहे. प्रशासनाने दिलेले लेखी पत्र व मुख्य कार्यकारी अधिकारी यांनी दिलेला शब्द पाळला नाही तर त्यानंतर बेमुदत उपोषण केले जाईल असे रत्नाकर चटप यांनी सांगितले.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
