चंद्रपूर :- येथील माता महाकाली मंदीर देवस्थान सौंदर्यीकरण व परिसराच्या विकासाच्या प्रस्तावाचा भारतीय पुरातत्व विभागाने पुन:श्च विचार करावा. तसेच राजुरा परिसरातील पुरातन सिद्धेश्वर मंदीर व किल्ल्याच्या जतन व संवर्धनासाठी सविस्तर अंदाजपत्रक तयार करून प्रस्ताव सादर करावा असे निर्देश सांस्कृतिक कार्य मंत्री अमित देशमुख यांनी दिले.
मंत्रालयात चंद्रपूर येथील माता महाकाली मंदीर देवस्थान सौंदर्यीकरण व विकास कामाबाबत तसेच राजुरा निर्वाचन क्षेत्रातील पुरातन सिद्धेश्वर मंदीर, माणिकगड किल्ला यांचे जतन व दुरूस्ती करणेबाबत बैठकीचे आयोजन करण्यात आले होते. या बैठकीला आमदार किशोर जोरगेवार, सुभाष धोटे, सांस्कृतिक कार्य विभागाचे सचिव सौरभ विजय, उपसचिव श्री.थोरात, पुरातत्व संचालनालयाचे संचालक डॉ. तेजस बर्गे, सार्वजनिक बांधकाम विभागाचे उपसचिव वाय.बी. कुलकर्णी, कार्यकारी अभियंता श्री कुंभे आदीसह अधिकारी उपस्थित होते.
सांस्कृतिक कार्य मंत्री अमित देशमुख म्हणाले, महाकाली मंदिर परिसराचे सौंदर्यीकरण करण्याच्या प्रस्तावासंदर्भात पुरातत्व विभागाने कार्यवाही करावी. यासंदर्भात केंद्र शासनाकडे पाठपुरावा करण्यात येणार आहे. सिद्धेश्वर मंदिर व माणिकगड किल्ला यांचे जतन व संवर्धन करण्यासाठी संचालकांनी प्रशासकीय मान्यतेसाठी प्रस्ताव शासनास सादर करावा असेही मंत्री देशमुख यांनी सांगितले.
![[11/20, 15:26] maheshgundetiwar77: गडचिरोली: संपूर्ण राज्यभरात लोकशाहीचा उत्सव साजरा केला जात आहे. सकाळी ७ वाजेपासून मतदार मतदानाचा हक्क बजावण्यासाठी घराबाहेर पडले होते.या उत्सवात शहारासोबतच दुर्गम भागातील मतदारांमध्ये देखील मोठा उत्साह दिसून आला.नक्षल्यांचा बालेकिल्ला म्हणून ओळख असलेल्या कमलापूर परिसरातील मतदारांनी ट्रॅक्टर मध्ये बसून मतदानाचा हक्क बजावला. गडचिरोली जिल्ह्यात सकाळी ७ वाजेपासून दुपारी ३ वाजेपर्यंत मतदान घेण्यात आले. गुलाबी थंडीमध्ये सकाळपासूनच मतदारांच्या रांगा लागल्या होत्या.शहरी भागासोबतच ग्रामीण भागात देखील मतदारांमध्ये मोठा उत्साह दिसून आला.कामलापूर ग्रामपंचायत अंतर्गत आशा,नैनगुडम, नैनेर,मोदुमडगु,मदगू,कमलापूर आदी गावांचा समावेश आहे. हा संपूर्ण परिसर अतिदुर्गम व नक्षलग्रस्त म्हणून ओळखला जातो.पूर्वी नक्षल्यांच्या दहशतीमुळे मतदार बाहेर पडत नव्हते.मात्र,आता आशा, मदगू, नैनेर, नैनगुडम या भागातील मतदार ट्रॅक्टर वर बसून कमलापूर येथे मतदान करायला आल्याचे दिसून आले. पोलिसांच्या चोख बंदोबस्त मध्ये कमलापूर येथील दोन्ही बूथ मध्ये मतदानासाठी मतदारांनी मोठी रांग लावली होती.दामरंचा रस्त्यावरील अतिदुर्गम अश्या आशा,मदगु,नैनेर आणि नैनगुडम येथील मतदार देखील दाखल झाले आणि लोकशाहीच्या उत्सवात मोठ्या उत्साहाने मतदान केले. *अहेरी विधानसभा मतदारसंघात दीड वाजेपर्यंत ५२.८४ टक्के मतदान* गडचिरोली जिल्ह्यात आरमोरी, गडचिरोली, अहेरी तीन विधानसभा मतदारसंघांचा समावेश आहे. दुपारी दीड वाजेपर्यंत प्रशासनाने दिलेल्या आकडेवारीनुसार आरमोरी विधानसभा क्षेत्रात ५१.०५ टक्के,गडचिरोली विधानसभा क्षेत्रात ४९.१७ टक्के आणि अहेरी विधानसभा मतदारसंघात ५२.८४ टक्के एवढा मतदान झाला. मतदान प्रक्रिया दुपारी ३ वाजेपर्यंत सुरू राहणार असल्याने मतदारांना आत मध्ये घेण्यात आला आहे.अजूनही बरेच ठिकाणी मतदान प्रक्रिया सुरू आहे. [11/20, 15:26] maheshgundetiwar77: ट्रॅक्टरवर पोहोचले दुर्गम भागातील मतदार,नक्षल्यांच्या माहेरघरात लोकशाहीचा उत्सव](https://sahyandrinews.com/wp-content/uploads/2024/11/IMG-20241120-WA0074-120x86.jpg)
